Search

Պարզաբանվել են էլեկտրոնային առողջապահության համակարգի ներդրմանն առնչվող հարցեր



էլեկտրոնային առողջապահության համակարգի ներդրումն անխափան ապահովելուն առնչվող մի շարք հարցեր քննարկվել են Երևանի քաղաքապետարանի ենթակայության պոլիկլինիկաների ղեկավարների հետ։

Հանդիպման ընթացքում ՀՀ առողջապահության նախարարի տեղակալ Սամվել Մարգարյանը ներկայացրել է համակարգի ներդրման նպատակներն ու ակնկալվող արդյունքները, ինչպես նաև պլանավորվող միջոցառումների ժամանակացույցը։

Անդրադառնալով հարցերի պարզաբանմանը՝ փոխնախարարը նշել է, որ առողջապահական վիճակագրության առավել մեծ տեղեկատվություն պարունակող այս նոր գործիքը պոլիկլինիկաների ֆինանսավորման մեխանիզմների վերանայում չի ենթադրում։

Նշվել է, որ ՀՀ կառավարության որոշմամբ հաստատված կարգով էլեկտրոնային առողջապահություն համակարգը շուտով կոնցեսիոն պայմանագրով կփոխանցվի մրցույթով հաղթող օպերատորին։ Ընտրված կազմակերպությունը համակարգը զարգացնելուց բացի մշտապես ապահովելու է առաջացող խնդիրների և սպասարկման հետ կապված բոլոր ընթացիկ հարցերի լուծումը։

Հանդիպման ընթացքում ներկայացվել են նաև անհրաժեշտ համակարգիչների ձեռքբերման ուղղությամբ տարվող աշխատանքները, քննարկվել են կազմակերպական մի շարք հարցեր։

Այնուհետև Սամվել Մարգարյանը և Էլեկտրոնային առողջապահության համակարգի ներդրման հանձնաժողովի նախագահ Վարդան Գևորգյանը պատասխանել են բուժհաստատությունների ներկայացուցիչների հարցերին։


Արմեն Սարգսյանը շնորհավորական ուղերձ է հղել Շվեյցարիայի նախագահ Գի Պարմելինին

Այլևս միայն նրանց պաշտելի առաջնորդը չի լինի պաշտպանված, նույն «ժողովրդից». Ավետիք Իշխանյան

Գրենլանդիայում անսովոր տաք ջերմաստիճանի պատճառով սառցե ծածկույցի զանգվածային հալոցք է տեղի ունենում

Ռոհանին ներողություն է խնդրել իրանցի ժողովրդից իր նախագահության օրոք թույլ տված սխալների համար

Աֆղանստանի հարավում «Թալիբան» շարժման առնվազն 50 զինյալ է սպանվել

Թրամփին կվերադարձվի 1 միլիոն դոլար Չիկագոյում երկնաքերի հարկերի դիմաց

Օգոստոսի 2-ին պաշտոնապես կստանձնեմ 8-րդ գումարման Ազգային ժողովի պատգամավորի պարտականությունները

ԼՐԱՀՈՍ
practice cover.png