Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia

Search

Նախագահ Սարգսյանին հավատարմագրերն է հանձնել Հայաստանում Թաիլանդի նորանշանակ դեսպանը



Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Թաիլանդի Թագավորության նորանշանակ արտակարգ և լիազոր դեսպան Քրիանգսակ Քիթիչայսերին (նստավայրը՝ Մոսկվա): Նախագահը շնորհավորել է դեսպանին և մաղթել հաջողություններ մեր երկրում դիվանագիտական առաքելությունն իրականացնելու գործում: Ընդգծելով, որ պատմականորեն ձևավորված հայ-թաիլանդական բարեկամական ամուր հարաբերությունների վրա հիմնված կապերը Հայաստանի անկախացումից հետո շարունակում են զարգանալ նույն ոգով, Նախագահը, այդուհանդերձ, անհրաժեշտ է համարել նոր թափ հաղորդել փոխգործակցությանը՝ նկատի առնելով ամենատարբեր ոլորտներում համագործակցության առկա մեծ ներուժն ու ստեղծված նախադրյալները: Դեսպան Քիթիչայսերին նշել է, որ արդեն մի շարք հանդիպումներ ու քննարկումներ է ունեցել Հայաստանում՝ հայ-թաիլանդական առևտրատնտեսական կապերն ամրապնդելու և համագործակցությունը փոխշահավետ ու հեռանկարային մի շարք ոլորտներում՝ ոսկերչություն, զբոսաշրջություն, գյուղատնտեսություն, դեղագործություն և այլն, զարգացնելու ուղղությամբ ակտիվ քայլեր ձեռնարկելու համար: Դեսպանը և ՀՀ Նախագահը երկուստեք գոհունակությամբ են խոսել նաև միջազգային կազմակերպությունների շրջանակներում երկու բարեկամ երկրների փոխգործակցության մասին: Թաիլանդի դեսպանը նշել է, որ իր երկիրը հետաքրքրված է ԵԱՏՄ-ի հետ համագործակցությունը զարգացնելու հարցում և այդ նպատակով ակնկալում է Միության անդամ Հայաստանի աջակցությունը ևս: