Search

Եվրոպացիներն ու ամերիկացիները տարբեր կերպ են գնահատում ՆԱՏՕ–ի օգուտը ԵՄ–ի համար



Sputnik.Կարծիք հարցախույզի համաձայն` եվրոպացիների մեծ մասը կարծում է, որ ներքին սպառնալիքներից պաշտպանվելուհամար ԵՄ-ին անհրաժեշտ է ԱՄՆ-ի և ՆԱՏՕ-ի օգնությունը, սակայն ամերիկացիների 48 տոկոսը համամիտ չէ այդ պնդմանը։ Հետազոտությունն իրականացրել է Ifop ընկերությունը Sputnik գործակալության և ռադիոյի համար։ Եվրոպայի բոլոր երկրներում հարցվածների ավելի քան կեսն ասել է, որ ԵՄ-ն չի կարող իրեն պաշտպանել, և անհրաժեշտ է ՆԱՏՕ-ի ու ԱՄՆ-ի աջակցությունը։ Իսկ ԱՄՆ-ում նման կարծիք ունի հարցվածների 48%-ը։ Գերմանիայի (63%), Իտալիայի (65%) և Լեհաստանի (65%) բնակիչներն էլ առավել քան համոզված են, որ ԵՄ-ին պետք են ՆԱՏՕ-ն և ԱՄՆ-ն։ Ֆրանսիայում (30%), Իսպանիայում (33%) և ԱՄՆ-ում (31%) ավելի շատ է այն մարդկանց թիվը, որոնք կարծում են, որ ԵՄ-ն կարող էինքն իրեն պաշտպանել։ 50 տարեկանից ցածր մասնակիցներն ու ձախակողմյան կուսակցությունների կողմնակիցները հիմնականում համարում են, որ իրենց ներքին անվտանգության համարԱՄՆ-ի և ՆԱՏՕ-ի կարիքը չունեն։ Բոլոր երկրներում, բացի Լեհաստանից, նման կարծիք են հայտնել բարձրագույն կրթություն և մեծ եկամուտ ունեցող մարդիկ։ ՆԱՏՕ-ի արդյունավետության վերաբերյալ հարցն արդիական է դարձել ԱՄՆ նախագահ Դոնալդ Թրամփի հայտարարությունից հետո, որի համաձայն`կազմակերպությունը կարևոր կառույց է, բայց` հնացած։ Նա կոչ է արել բարեփոխումներ իրականացնել։ Հարցախույզի արդյունքները մեկնաբանել է քաղտեխնոլոգ Վիգեն Հակոբյանը։ «Տասնամյակներ շարունակ, հատկապես Օբամայի կառավարման տարիներին թշնամու կերպար էր կերտվում։ Ստեղծվում էր հիստերիայի մթնոլորտ, ակտիվորեն առաջէր տարվում այն գաղափարը, թե եվրոպացիները չեն կարող ինքնուրույն պաշտպանվել ուժեղ թշնամուց, և ասվածի տակ ենթադրվում էր Ռուսաստանը։ ԱՄՆ-նհանդես էր գալիս պաշտպանի դերում, որը պետք է արտոնություններ ունենար այլ ոլորտներում` տնտեսական, հումանիտար, աշխարհաքաղաքական»։ Հարցումն անցկացրել է IFop ընկերությունը հոկտեմբերի 22-ից 26-ն ընկած ժամանակահատվածում։ Ֆրանսիայում, Գերմանիայում, Իտալիայում, Իսպանիայում,Լեհաստանում, Մեծ Բրիտանիայում և ԱՄՆ-ում 18 տարեկանից բարձր 7043 մարդ պատասխանել է հետևյալ հարցին` «ԵՄ-ն կարո՞ղ է ինքնուրույն պաշտպանվելներքին սպառնալիքներից, թե՞ անհրաժեշտ է ԱՄՆ-ի և ՆԱՏՕ-ի օգնությունը»։ Ընտրանքն իրականացվել է ըստ հարցվածների սեռի, տարիքի և բնակության վայրի։Տվյալների անճշտության առավելագույն մակարդակը կազմում է +/- 3,1տոկոս` 95 տոկոս վստահության հավանականության դեպքում:


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia