Search

Մայրաքաղաքում շարունակվում են ձնամաքրման աշխատանքները



Մայրաքաղաքի վարչական շրջաններում շարունակվող ձնամաքրման աշխատանքներն այժմ հիմնականում ծավալվել են երկրորդական փողոցներում, բակերում ու միջբակային տարածություններում: Գործընթացն իրականացվում է «Սանիթեք» ընկերության և Երևանի վարչական շրջանների կոմունալ ծառայությունների մեքենասարքավորումներով: Մարդկային ռեսուրսների ներգրավմամբ առանձին հատվածներում մաքրվում են սառցակալած ճանապարհները: Ըստ անհրաժեշտության օգտագործվում է նաև աղի ու ավազի խառնուրդ: Հիշեցնենք, որ վերը նշված տարածքների մաքրման ոչ բավարար վիճակին օրերս անդրադարձել էր նաև Երևանի քաղաքապետ Տարոն Մարգարյանը: Ըստ այդմ, հանձնարարվել էր կոնկրետ տարածքներում ձեռնարկել ձնամաքրման անհետաձգելի միջոցներ: Աշխատանքների ընթացքը վերահսկում են վարչական շրջանների ղեկավարները, ինչպես նաև Երևանի քաղաքապետարանի կոմունալ տնտեսության վարչությունը և օպերատիվ շտաբը:


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia