Search

2016 թվականին կառուցվել և մայրաքաղաքի արտաքին լուսավորության ցանցին է միացվել ևս 71 փողոց և 70 բակայ



Երևանի քաղաքապետարանի «Երքաղլույս» ՓԲԸ-ից տեղեկացնում են, որ 2016 թվականին արտաքին լուսավորության ցանցի շահագործման ընթացքում նորերով է փոխարինվել փողոցներում ու բակերում առկա 28433 վնասված լուսատու, 154 հենասյուն և 6.2 կմ մալուխ: Նույն ժամանակահատվածում կառուցվել և ցանցին է միացվել 148 օբյեկտ՝ 71 փողոց և փողոցի հատված, 70 բակային տարածք, 3 փողոցների լանդշաֆտներ, 1 արձան, 1 ստորգետնյա անցում, 1 հրապարակ և

3 այգի: Տեղադրվել է 519 հենասյուն և 1115 լուսատու: Նորակառույց ցանցի երկարությունը կազմել է 41 կմ: 2016 թվականին ՄԱԿ-ի զարգացման ծրագրով իրականացվել են Հաղթանակի կամրջի, Մաշտոցի պողոտայի, Աթենքի փողոցի և Ծիծեռնակաբերդի խճուղու 509 լեդ լուսատուների տեղադրման աշխատանքներ: 2017 թվականին նախատեսվում է «Երքաղլույս» ՓԲԸ կողմից կատարել արտաքին լուսավորության ցանցի հիմնանորոգման աշխատանքներ 40 կմ ցանցային երկարությամբ` 34 փողոցներում և 41 բակերում: Ցանկում ներառվել են նաև բնակիչների առաջարկություններով ներկայացված հասցեները:


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia