«ՀԺ». Արարատում ՀՀԿ-ն ընտրության առջեւ է. չի բացառվում, որ Հովիկ Աբրահամյանն առաջադրվի ռեյտինգային ը
«Հայկական ժամանակ» թերթը գրում է. «Ազգային ժողովի կուլիսներում խոսվում է, որ Արարատի մարզում Հանրապետական կուսակցությունից ռեյտինգային ընտրակարգով առաջադրվելու ցանկություն ունեն այդ տարածաշրջանից մեծամասնական ընտրակարգով ընտրված բոլոր պատգամավորները:
Խոսքը թիվ 16 ընտրատարածքից պատգամավոր դարձած Մուրադ Մուրադյանի եւ թիվ 17-ից՝ Կարինե Պողոսյանի մասին է: Վերջինս, հիշեցնենք, Հովիկ Աբրահամյանի զարմուհին է: Չի բացառվում, որ ռեյտինգային ընտրակարգով առաջադրվի նաեւ Հովիկ Աբրահամյանն ինքը:
Կարինե Պողոսյանը մեզ հետ զրույցում ասաց, որ դեռ առաջադրվելու հարց չի քննարկվել: Այդ մարզում ռեյտինգային ընտրակարգով առաջադրվելու ցանկություն ունի նաեւ թիվ 18 ընտրատարածքից մեծամասնական ընտրակարգով պատգամավոր դարձած «Ավշարի» գործարանի սեփականատեր Արայիկ Գրիգորյանը:
Նշենք, որ Ընտրական օրենսգրքի համաձայն, ռեյտինգային ընտրակարգով հնարավոր է յուրաքանչյուր 10.000 բնակչի հաշվին առաջադրել մեկ թեկնածու»:
Առավել մանրամասն՝ թերթի այսօրվա համարում