Search

ՀՀ ԿԱ ՔԱԳՎ-ն հայտարարում է մրցույթ՝ ՌԴ Ուլյանովսկ քաղաքում կրթություն ստանալու համար



Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությունը հայտարարում է մրցույթ` 2017-2018 ուսումնական տարում Ռուսաստանի Դաշնության Ուլյանովսկ քաղաքի բարձրագույն ավիացիոն ուսումնարանում /ինստիտուտում/ «Քաղաքացիական օդանավերի թռիչքային շահագործում» մասնագիտությամբ կրթություն ստանալու համար:

Մրցույթին կարող են մասնակցել հանրակրթական դպրոցների շրջանավարտները կամ ավարտական դասարաններում սովորող ՀՀ քաղաքացիները:

Դիմորդները պետք է ներկայացնեն.

• դիմում` մրցույթին մասնակցելու համար,

• դիմում-հարցաթերթիկ,

• ռուսական կողմից ներկայացված հարցաթերթիկ՝ լրացված համակարգչային շարվածքով եւ վերեւի աջ անկյունում փակցված նկարով,

• հանրակրթական դպրոցների շրջանավարտները՝ ընդհանուր կրթության վկայական /ատեստատ/, իսկ ավարտական դասարանի դիմորդները` առաջադիմության թերթիկ՝ նոտարական գրասենյակի կողմից ռուսերեն թարգմանված,

• անձնագրի պատճեն,

• ծննդյան վկայականի պատճեն՝ նոտարական գրասենյակի կողմից ռուսերեն թարգմանված,

• բժշկական տեղեկանքներ` ընդհանուր առողջության եւ ՁԻԱՀ/ՄԻԱՎ-ի վերաբերյալ /ռուսերեն լեզվով/,

• տեղեկանք հոգեբուժական դիսպանսերից /ռուսերեն լեզվով/,

• տեղեկանք նարկոլոգիական դիսպանսերից /ռուսերեն լեզվով/,

• 3x4 չափի 8 գունավոր լուսանկար,

• արական սեռի անձինք ներկայացնեն զինգրքույկի պատճենը, դրան փոխարինող կցագրման վկայականը կամ զորակոչային տեղամասից համապատասխան տեղեկանքը:

Մրցույթի մասնակիցները պետք է քննություն հանձնեն ռուսերեն, մաթեմատիկա (ռուսերեն լեզվով) եւ ֆիզիկա (ռուսերեն լեզվով) առարկաներից:

Բացի մրցութային առարկաներից քննությունների հանձնումը, դիմորդներն անցնում են բժշկական հետազոտություն եւ հանձնում ֆիզիկական պատրաստվածության նորմատիվներ:

Մրցույթին մասնակցել ցանկացողները փաստաթղթերը կարող են ներկայացնել մինչեւ 2016 թվականի դեկտեմբերի 15-ը՝ ժամը 18:00-ն, ՀՀ ԿԱ քաղաքացիական ավիացիայի գլխավոր վարչության «Ավիաուսումնական կենտրոն» փակ բաժնետիրական ընկերություն. հասցե՝ ք. Երեւան, «Զվարթնոց» օդանավակայան:

Հարցերի դեպքում մրցույթին մասնակցել ցանկացող դիմորդները կարող են զանգահարել (060) 37-35-47 հեռախոսահամարով:


Եվրոպայում ջրհեղեղի զոհերի թիվը հասել է 210-ի

Պետք է հասկանալ և վերացնել ամուսնալուծությունների պատճառները․ Արա Զոհրաբյան

ԵՄ-ն և ԱՀԿ-ն ժամանակակից ռենտգեն սարքավորում է տրամադրում Մարտունու բժշկական կենտրոնին

Չի բացառվում, որ Ադրբեջանը բլեֆի է գնում. Աբրահամյան

Ֆրանսիայի իշխանությունը հետաքննում է Փարիզում Կուբայի դեսպանատան վրա իրականացված հարձակումը

ԱՄՆ-ն կարևորում է իր երկարամյա գործընկեր հայկական Սփյուռքի դինամիկ ջանքերը․ դեսպան

ՀՀ ԿԳՄՍ նախարարի տեղակալ Արա Խզմալյանն աշխատանքային այցով Սյունիքում է

ԼՐԱՀՈՍ
practice cover.png