Search

Ժամանակը չէ կասկածի տակ դնել ԵՄ և ԱՄՆ միջև համագործակցության արժեքը. ՆԱՏՕ-ի գլխավոր քարտուղար



ՆԱՏՕ-ի գլխավոր քարտուղար Յենս Սթոլթենբերգը բրիտանական The Guardian պարբերականի էջերում դիմել է ԱՄՆ ընտրված նախագահ Դոնալդ Թրամփին:

Նա նշել է, որ հանրությունն այժմ խոշորագույն սպառնալիքների առջև է կանգնած ու այժմ ժամանակը չէ կասկածի տակ դնել Եվրոպայի և Միացյալ Նահանգների միջև համագործակցության արժեքը: Ըստ Սթոլթենբերգի` վերջին մի քանի տարիների ընթացքում Ռուսաստանի համառության, Մերձավոր Արևելքում և Հյուսիսային Աֆրիկայում անկայունության հետևանքով անվտանգությունը «դրամատիկորեն վատացել է»: Այդ սպառնալիքների պատասխանը դարձել է սառը պատերազմից ի վեր համահավաք անվտանգության ամենամասշտաբային ամրապնդումն, ու այստեղ ԱՄՆ-ը հաստատել է իր հավատարմությունը եվրոպական անվտանգության պաշտպանության հարցում` աշխարհամասի արևելյան հատվածում ռազմական նոր ուժեր տեղակայելով:

Հիշեցնենք, որ իր նախընտրական քարոզարշավի ժամանակ Թրամփը ՆԱՏՕ-ն որակել է իբրև «հնացած կազմակերպություն» ու դրա անդամներին պահանջել է կատարել դաշինքի առջև ունեցած պարտավորվածությունները: Նմանօրինակ հայտարարություններից հետո ԱՄՆ-ում կարծիք է ձևավորվել, թե Թրամփը վատ է տրամադրված դաշինքի կոլեկտիվ անվտանգության կոնցեպցիային:


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia