Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia

Search

ՀՀ ՊՆ 4-րդ բանակային զորամիավորումում անցկացվել է մարտական հրաձգությամբ ցուցադրական մարտավարական զոր


ՀՀ ԶՈՒ 2016 թվականի պատրաստության պլանի համաձայն, հոկտեմբերի 17-ից 21-ը 4-րդ բանակային զորամիավորման ենթակայությամբ գործող մոտոհրաձգային զորամասերից մեկի անձնակազմի հետ անցկացվել է մարտական հրաձգությամբ ցուցադրական մարտավարական զորավարժություն:

Զորավարժության թեման էր գնդի բերումը մարտական պատրաստականության լրիվ աստիճանի, ռազմերթի իրականացում և կենտրոնացման շրջանի զբաղեցում, պաշտպանական մարտի նախապատրաստում և վարում, անցում հարձակման հակառակորդի հետ անմիջական շփման պայմաններում:

Զորավարժության կրակային փուլն անցկացվել է հոկտեմբերի 20-ին: Պայմանական հակառակորդի գրոհը կասեցնելու, նրա զորային ուժերը ոչնչացնելու ու ետ շպրտելու նպատակով գործի են դրվել հրետանային, հակաօդային պաշտպանության և այլ կրակային միջոցներ: Ճիշտ մարտավարության, դիպուկ կրակի ու ստորաբաժանումների ներդաշնակ գործողությունների շնորհիվ զորավարժության սցենարով նախատեսված բոլոր գործողությունները հաջողությամբ կատարվել են:

Նմանաբնույթ զորավարժությունների ընթացքում կատարելագործվում է ստորաբաժանումների մարտական ներդաշնակումը, դաշտային պատրաստվածությունն ու անձնակազմի մարտավարամասնագիտական հմտությունները, ամրապնդվում են հրամանատարների գործնական ունակությունները: