Search

Վարչապետն ընդունել է Հայաստանում ԱՄԷ արտակարգ և լիազոր դեսպանին



Վարչապետ Կարեն Կարապետյանն այսօր ընդունել է Հայաստանի Հանրապետությունում Արաբական Միացյալ Էմիրությունների արտակարգ և լիազոր դեսպան Ջասիմ Մուհամմադ ալ Կասիմիին: Կառավարության ղեկավարը նշել է, որ Հայաստանի և արաբական աշխարհի միջև ձևավորվել են սերտ կապեր, որոնց հիման վրա հաջող զարգանում են միջպետական հարաբերությունները: Վարչապետի խոսքով՝ ՀՀ-ԱՄԷ քաղաքական երկխոսության բարձր մակարդակը հնարավորություն է տալիս որակական նոր մակարդակի բարձրացնել նաև երկկողմ տնտեսական կապերը, ինչի համար առկա են բավարար ներուժ և հնարավորություններ: Այս առումով Կարեն Կարապետյանը կարևորել է երկկողմ միջկառավարական համատեղ հանձնաժողովի գործունեության ակտիվացումը: Հայաստանում ԱՄԷ դեսպանը շնորհավորել է Կարեն Կարապետյանին ՀՀ վարչապետի պաշտոնում նշանակվելու կապակցությամբ, մաղթել հաջողություններ: Նա համոզմունք է հայտնել, որ երկու երկրների կառավարությունների միջև ծավալված արդյունավետ համագործակցությունն այսուհետ ևս կզարգանա և կամրապնդվի: Զրուցակիցները համակարծիք են եղել, որ չնայած վերջին տարիներին երկկողմ կապերը դինամիկ զարգանում են, և արձանագրվել է առևտրաշրջանառության ծավալի աճ, այնուամենայնիվ, անհրաժեշտ է լրացուցիչ ջանքեր գործադրել այն առավել ընդլայնելու և խորացնելու ուղղությամբ: Կողմերն անդրադարձել են գյուղատնտեսության, սննդի արդյունաբերության, զբոսաշրջության, ենթակառուցվածքների և այլ ոլորտներում գործակցության հեռանկարներին, քննարկել ներդրումների ներգրավմանը և խրախուսմանը վերաբերող հարցեր:


Գնել Սանոսյանը նշանակվել է ՏԿԵ նախարար

Սիրիայում սկսվել է Հալեպի հնագույն միջնաբերդի վերականգնումը

Լիլիթ Մակունցը նշանակվել է ԱՄՆ-ում ՀՀ դեսպան

ՀՀ ԶՈՒ պատրաստության գլխավոր վարչության մարտական պատրաստության վարչության պետն ազատվեց պաշտոնից

Փրկարար ծառայությունը նախատեսում է էթիկայի հանձնաժողով ձևավորել

Հայաստանի նոր խորհրդարանը հայտարարել է արտահերթ նիստ հրավիրելու մասին

Գարեգին Բ-ն շնորհավորական ուղերձ է հղել Նիկոլ Փաշինյանին

ԼՐԱՀՈՍ
practice cover.png