Search

«Իրավունք». Առողջապահության փոխնախարարները հարվածի տակ են



«Իրավունք» թերթը գրում է. «Երեկ մամուլում լուրեր էին շրջանառվում առ այն, որ Առողջապահության նախարարությունում հնարավոր են պաշտոնանկություններ՝ փոխնախարարների մակարդակով։ Մասնավորապես, ըստ մամուլում շրջանառվող լուրերի, ԱՆ նորանշանակ նախարար Լեւոն Ալթունյանն իր մոտ է կանչել փոխնախարար Տիգրան Սահակյանին եւ «տհաճ» զրույց ունեցել։

Նախարարության մեր աղբյուրը հայտնեց, որ նմանատիպ զրույց կամ պաշտոնից հեռանալու ակնարկ արվել է նաեւ ԱՆ փոխնախարարներից Գագիկ Միրիջանյանին։ Ուստի՝ վերոհիշյալ տեղեկության իսկության մեջ համոզվելու համար փորձեցինք հետաքրքրվել անձամբ պարոն Միրջանյանից, ով նշեց, որ շատ զբաղված է եւ միայն կարճ հետեւյալ պատասխանը տվեց. «Ոչ»։

Հ.Գ. Նկատենք, որ Գագիկ Միրջանյանը այն փոխնախարարն է, ով մինչեւ վերջին պահը մնացել է Տուլայում՝ վթարից տուժածների կողքին՝ բոլորին խիստ հսկողության ներքո պահելով, իսկ ապրիլյան պատերազմի օրերին շուրջ տասը օր եղել է Գորիս քաղաքում՝ բժշկական օգնություն ցուցաբերելու նպատակով»:

Առավել մանրամասն՝ թերթի այսօրվա համարում


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia