Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia

Search

«Անհրաժեշտ է պարբերաբար ներկայացնել տվյալներ` անօթևանների ժամանակավոր կացարանում հաշվառված անձան



Երևանի քաղաքապետարանում այսօր տեղի ունեցած աշխատանքային խորհրդակցության ժամանակ, որը վարել է Երևանի քաղաքապետ Տարոն Մարգարյանը, սոցիալական ապահովության վարչության պետ Ռուզաննա Զաքարյանը զեկուցել է, որ շարունակվում են աշխատանքներն անօթևանների աջակցության, ինչպես նաև մուրացկանությամբ զբաղվող անչափահաս երեխաների և չափահասների ընտանիքների հետ տարվող բացատրական ծրագրերի շրջանակում:

Քաղաքապետ Տարոն Մարգարյանը, անդրադառնալով մայրաքաղաքում գործող անօթևանների ժամանակավոր կացարանին, անհրաժեշտ է համարել պարբերաբար անդրադառնալ այդ ծրագրի առկա խնդիրներին ու վիճակագրությանը:

«Մայրաքաղաքի տարբեր հատվածներում դեռևս կարելի է հանդիպել անօթևանների, ովքեր գիշերները լուսացնում են փողոցում, կանգառներում: Սոցիալական ապահովության վարչությունն այստեղ ամենօրյա աշխատանք ունի կատարելու՝ համագործակցելով վարչական շրջանների ղեկավարների և Ոստիկանության հետ: Բացի այդ, անհրաժեշտ է պարբերաբար ներկայացնել տվյալներ` անօթևանների ժամանակավոր կացարանում հաշվառված անձանց թվի և ապրելու պայմանների վերաբերյալ:

Անօթևանների ժամանակավոր կացարանում հաշվառված և առողջական խնդիրներ չունեցող անձանց ըստ պահանջի պետք է նաև ներգրավել քաղաքապետարանի ենթակայության համապատասխան ստորաբաժանումների հասարակական բնույթի աշխատանքներում»,-ընդգծել է Տարոն Մարգարյանը:

Աշխատանքային խորհրդակցության ավարտին, ի թիվս այլ հանձնարարականների, քաղաքապետ Տարոն Մարգարյանն աշխատակազմի սոցիալական ապահողության վարչությանը և 12 վարչական շրջանների ղեկավարներին հանձնարարել է նաև նախապատրաստվել հոկտեմբերի 1-ին նշվող Տարեցների միջազգային օրվան: Աշխատակազմի հանրակրթության վարչությանն էլ հանձնարարվել է նախապատրաստվել համապատասխանաբար հոկտեմբերի 5-ին և 7-ին նշվող Ուսուցչի և Գրադարանավարի օրվա առթիվ կազմակերպվող միջոցառումներին: