Search

Հայ-չեխական էկոլոգիական լուծումներ


Երիտասարդական ակումբների դաշնության (FYCA) կողմից կազմակերպված «Էկոլոգիական լուծումներ» (Eco-Friendly solution) խորագրով երիտասարդական փոխանակման ծրագիրը հուլիսի 4-ից 14-ը մեկ հարկի տակ համախմբեց Հայաստանից և Չեխիայից 30 ակտիվ երիտասարդի:

Ծրագիրը բնապահպանության և խաղաղասիրության համադրություն էր: Նպատակն էր ծրագրի ընթացքում Հայաստանի գեղատեսիլ վայրերում արված անաղարտ բնության լուսանկարների միջոցով ներկայացնել ներկայիս շրջակա միջավայրի աղտոտումն ու պատերազմական ընդհարումների ազդեցությունը:

Ոչ ֆորմալ կրթության մեթոդաբանությամբ իրականացվող երիտասարդական փոխանակման ծրագրի բոլոր փուլերին ակտիվ մասնակցությունն ունեցան ինչպես Երիտասարդական ակումբների դաշնության, այնպես էլ «International Educational Centre Gems» չեխական կազմակերպության երիտասարդները: «Կրեատիվ և թիմային աշխատանքի շնորհիվ մասնակիցներն իրենց ներդրումն ունեցան ծրագրի արդյունավետ կազմակերպման և նոր մտահղացումների կյանքի կոչման գործում», -նշեց Երիտասարդական ակումբների դաշնության փոխնախագահ, ծրագրի համակարգող Մարիամ Սահակյանը:

«Էկոլոգիական լուծումներ» ծրագրի ընթացքում մասնակիցներն իրականացրեցին չորսօրյա քայլարշավ դեպի գեղատեսիլ Սևանա լիճ և Ծաղկաձոր, ինչպես նաև շրջագայության մեկնեցին Էջմիածնի Մայր Տաճար և Խոր Վիրապ։ Քայլարշավի ընթացքում մասնակիցներն անձամբ առերեսվեցին մի շարք բնապահպանական խնդիրների, իսկ Երևան վերադառնալուց հետո թիմային աշխատանքի շնորհիվ փորձեցին լուծումներ առաջարկել դրանց համար։

Ծրագրի վերջին օրը չեխ և հայ երիտասարդներն այցելեցին Հայոց ցեղասպանության թանգարան-ինստիտուտ, ծաղիկներ խոնարհեցին 1915 թվականի Ցեղասպանության անմեղ զոհերի հիշատակը հավերժացնող անմար կրակի մոտ:

#Միջազգայինծրագիր #ԵԱԴ #FYCA #Հայաստան #Չեխիա

Մեկ օրում բացահայտվել է 77 հանցագործություն, որից 9-ը՝ նախկինում կատարված

Զինծառայողների ապահովագրության հիմնադրամի շահառուների թիվն ավելացել է

Պետություն-մասնավոր գործընկերության մասին օրենքում փոփոխությունները նոր հնարավորություն են բացում

Արտակ Բեգլարյանը այցել է Ստեփանակերտի Մոր և մանկան առողջության պահպանման կենտրոն

Նոր մանրամասներ՝ ՊԲ զինծառայողի մահվան գործով. Ինքն է ինքնաձիգից կրակել իրեն

Աստծո կամոք ողջ եմ. Երասխի՝ վիրավորում ստացած համայնքապետ

Արցախում հաստատվել է կորոնավիրուսի 1 նոր դեպք

ԼՐԱՀՈՍ
practice cover.png