Search

Ստամբուլում ճանաչել են օդանավակայանի ահաբեկչության 36 զոհերից 27–ի ինքնությունը



Թուրքիայի իշխանությունները ճանաչել են Ստամբուլի Աթաթուրքի անվան միջազգային օդանավակայանում ահաբեկչության 36 զոհերից 27–ի ինքնությունը։ Նրանցից 26-ը Թուրքիայի քաղաքացիներ են։ Այս մասին հայտնում է NTV հեռուստաալիքը՝ վկայակոչելով դատաբժշկական գրասենյակի տվյալները։

Հարազատներին արդեն հանձնել են 13 զոհի մարմինները։ Երեք մահապարտներ մարմինները ուսումնասիրվում են դատաբժիշկների կողմից։

Հիշեցնենք, որ հունիսի 28-ին Ստամբուլի Աթաթուրքի անվան միջազգային օդանավակայանի մուտքի և միջազգային տերմինալի ավտոկայանատեղիի մոտ մահապարտ ահաբեկիչները 3 պայթյուն էին իրականացրել։ Ըստ վերջին տեղեկությունների՝ զոհվել է 36 մարդ, եւս 147-ը վիրավոր են։


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia