Search

Հաջողված փորձ` կրթական ու առողջապահական ծառայությունների համակցման



ՀՀ կրթության և գիտության նախարար Լևոն Մկրտչյանն այսօր այցելել է Երևանի պետական բժշկական համալսարանի «Մուրացան» հիվանդանոցային համալիր՝ տեղում ծանոթանալու բժշկական կրթական գործընթացի կազմակերպման համար ստեղծված պայմաններին: Նախարարը ԵՊԲՀ ռեկտոր Միքայել Նարիմանյանի ու կլինիկական աշխատանքների գծով պրոռեկտոր Արմեն Մինասյանի ուղեկցությամբ շրջել է կլինիկայի տարբեր բաժանմունքներում և հիվանդանոցային լսարաններում:

Նախարարին ներկայացվել են վերջին տարիներին «Մուրացան» հիվանդանոցում ԵՊԲՀ-ի կողմից կատարված աշխատանքները՝ մասնավորապես հիվանդանոցային համալիրում տեղակայված 4 ամբիոնները և ժամանակակից մանկաբուժության համար ստեղծված բազմապրոֆիլ ծառայությունները: Համալսարանական հիվանդանոցն ունի 230 մահճակալ և նախորդ տարվա ընթացքում սպասարկել է ավելի քան 22 հազար մանկահասակ երեխա: ԿԳ նախարար Լևոն Մկրտչյանին զեկուցվել է, որ օրական միջին հաշվով հիվանդանոցում մշտական դասընթացներ են անցնում շուրջ 128 օրդինատորներ և 1000 ուսանողներ, ովքեր առանձին դեպքերում պրակտիկ աշխատանքը համատեղում են ուսումնառության հետ: Կրթության և գիտության նախարար Լևոն Մկրտչյանն իր խոսքում, կարևորելով կատարված աշխատանքները, նշել է, որ բարձրագույն կրթության հիմնական խնդիրներից մեկը ուսումնական ժամանակակից բազաների ստեղծումն է, որը բժշկական կրթության պարագայում առանձնակի նշանակություն ունի.«Մեզ անհրաժեշտ են ուսումնական այնպիսի բազաներ ստեղծել, որտեղ կմատուցվեն և՛ աշխատանքային ծառայություններ, և՛ միաժամանակ ուսանողը հնարավորություն կունենա կրթություն ստանալ և մասնագետ դառնալ: Բժշկական համալսարանն այս իմաստով բավականին ապահովված բուհերից է, որն ունի ոչ միայն համապատասխան ամբիոններ տարբեր հիվանդանոցներում, այլ նաև իր համակարգում ունի գործող կլինիկաներ»,- իր խոսքում նշել է Լ. Մկրտչյանը և հավելել, որ ԵՊԲՀ կլինիկաներն այսօր համարվում են բարձրակարգ հիվանդանոցներ, որտեղ կրթությունն ու առողջապահական ծառայությունները հաջողությամբ համակցվում են: Նախարարի խոսքով՝ համալսարանական հիվանդանոցների գործունեությունը նաև լավ հնավորություն է, որպեսզի հանրությունը բժշկական կրթության որակի մասին կարողանա իրական պատկերացում կազմել: Լևոն Մկրտչյանը ընդգծել է, որ ԿԳ նախարարությունը կարևորում է ուսումնական բազաների ստեղծումը՝ բոլոր մասնագիտությունների գծով, ընդ որում փորձ է արվում խնդրին ցուցաբերել համալիր մոտեցում՝ սկսած բուհերին կից հենակետային ավագ դպրոցների ստեղծումից, մինչև բուհական լաբորատորիաներ և ուսումնական արտադրամասեր: Այցի ընթացքում ԿԳ նախարարը զրուցել է հիվանդանոցում դասընթացներ անցնող ուսանողների հետ, պատասխանել նրանց հարցերին, որոնք վերաբերել են բուհական ոլորտի տարբեր խնդիրների:


Իրանի ԱԳՆ-ն Բրիտանիայի մեղադրանքներն անվանել է սադրիչ եւ անհիմն

ժուռնալիստների միությունը դատապարտում է ԱԱԾ-ի գործողությունները լրագրող Նաիրի Հոխիկյանի նկատմամբ

Ադրբեջանը տարբեր տրամաչափի հրաձգային զինատեսակներից կրակ է բացել Երասխի և Կութի ուղղությամբ

Բացառվում է, որ «Պատիվ ունեմը» մասնակցի 44-օրյա պատերազմի հարցով քննիչ հանձնաժողովի աշխատանքին

Գնել Սանոսյանը նշանակվել է ՏԿԵ նախարար

Սիրիայում սկսվել է Հալեպի հնագույն միջնաբերդի վերականգնումը

Լիլիթ Մակունցը նշանակվել է ԱՄՆ-ում ՀՀ դեսպան

ԼՐԱՀՈՍ
practice cover.png