Search

Հայոց ցեղասպանության տարելիցի կապակցությամբ Բարաք Օբամայի ուղերձը



Հայոց ցեղասպանության տարելիցի կապակցությամբ ԱՄՆ-ի նախագահ Բարաք Օբամայի ուղերձը սկսվում է հետեւյալ խոսքերով. ՝՝Օսմանյան կայսրության վերջին տարիներին մեկ եւ կես միլիոն հայեր են տեղահանվել, ենթարկվել ջարդի եւ աքսորվել։

Այսօր մենք հարգում ենք 1915 թվականից սկսված մութ օրերի ընթացքում տառապած մարդկանց հիշատակը, եւ այս ողբերգությունից դասեր առնում, որ նման բան այլեւս չպիտի կրկնվի։ Մենք մեր երախտիքի խոսքն ենք ասում նաեւ նրանց, ովքեր ժամանակին օգնության ձեռք մեկնեցին։ Նման անհատներից էր ԱՄՆ-ի դեսպան Հենրի Մորգենթաուն, որն իր ձայնը բարձրացրեց Միացյալ Նահանգների կառավարությունում ու Օսմանյան Թուրքիայում՝ փորձելով կանգնեցնել բռնությունները։ Մորգենթաուի նման ճիգերն այսօր էլ շարունակում են կարեւոր դեր խաղալ բռնությունները կանխելու գործում։ Նրա այս գործունեությունն էր, որն ավելի ուշ ձեւավորեց Ռաֆայել Լեմկինի նման գործիչների աշխատանքը, ինչի արդյունքում էլ կազմվեց ՄԱԿ-ի մարդու իրավունքների պաշտպանության պայմանագիրը՛՛, ասված է ուղերձում։

՝՝Այսօր ժամանակն է, որ մեկ անգամ եւս բարձր գնահատականի արժանանան հայ ժողովրդի մեծ տոկունությունը եւ միջազգային համայնքին ու ԱՄՆ-ին նրա մատուցած հսկայական ծառայությունները։ Մենք այսօր հիշում ենք հազարավոր այն հայ փախստականներին, ովքեր տասնամյակներ առաջ նոր կյանք սկսեցին Միացյալ Նահանգներում, այստեղ հաստատելով մի համայնք, որն էապես զարկ է տվել այս պետության կենսունակությանը։ Իսկ այսօր, երբ անհանգստության ալիք է տիրում Հայաստանից հարավ ընկած տարածաշրջանում, մենք մեր շնորհակալական խոսքն ենք հղում Հայաստանի ժողովրդին, որն իր գիրկն է բացել սիրիացի փախստականների առջեւ, այստեղ ընդունելով 17 հազար մարկանց։

Այսօր, երբ ապագային ենք նայում անցյալից, շարունակում ենք ընդգծել կանխարգելելու համար պատմական հիշողությունների կարեւորությունը՛՛, ասված է ԱՄՆ-ի նախագահ Բարաք Օբամայի ամանամայ ուղերձում, որն ավարտվում է հետեւյալ խոսքերով.

՝՝Ես հետեւողական կերպով եմ հայտարարել 1915 թվականի շուրջ իմ սեփական տեսակետը, տեսակետ, որն այսօր էլ չի փոխվել։ Ես նաեւ գիտեմ, որ ժողովուրդներն ու պետությունները շարունակում են հզորանալ ու կառուցել ավելի արդար ու հանդուրժողական ապագայի համար անհրաժեշտ հիմքեր՝ ճանաչելով ու հաշվի նստելով անցյալի ցավոտ կետերի հետ։ Մենք շարունակում ենք ողջունել ազատ արտահայտման իրավունքը նրանց կողմից, ովքեր փորձում են նոր լույս սփռել անցյալի մթության վրա, սկսած թուրք ու հայ պատմաբաններից մինչեւ Հռոմի Ֆրանցիսկոս Պապը։

Այսօր աշխարհում մենք կանգնած ենք հայ ժողովրդի հետ միասին՝ հիշելու Մեծ Եղեռնի սարսափները ու հաստատելու ժողովրդավարության, խաղաղության, ու Հայաստանի բարգավաճման հանդեպ մեր հավատարմությունը։

Ամերիկայի Ձայն


Մեկ օրում բացահայտվել է 77 հանցագործություն, որից 9-ը՝ նախկինում կատարված

Զինծառայողների ապահովագրության հիմնադրամի շահառուների թիվն ավելացել է

Պետություն-մասնավոր գործընկերության մասին օրենքում փոփոխությունները նոր հնարավորություն են բացում

Արտակ Բեգլարյանը այցել է Ստեփանակերտի Մոր և մանկան առողջության պահպանման կենտրոն

Նոր մանրամասներ՝ ՊԲ զինծառայողի մահվան գործով. Ինքն է ինքնաձիգից կրակել իրեն

Աստծո կամոք ողջ եմ. Երասխի՝ վիրավորում ստացած համայնքապետ

Արցախում հաստատվել է կորոնավիրուսի 1 նոր դեպք

ԼՐԱՀՈՍ
practice cover.png