Search

Կայացել է հայ-ֆրանսիական մանկական նվագախմբի հայաստանյան առաջին համերգը



ՀՀ մշակույթի նախարարության աջակցությամբ` 2016 թ. ապրիլի 14-24-ը Հայաստանում անցկացվում են հայ-ֆրանսիական մանկական նվագախմբի համերգները: Նախագծի կազմակերպիչներն են Երևանի Պ. Չայկովսկու անվան միջնակարգ երաժշտական մասնագիտական դպրոցը, Ֆրանսիայի Ռոմանի կոնսերվատորիան: Հայ-ֆրանսիական մանկական նվագախմբում ընդգրկված են Պ. Չայկովսկու անվան միջնակարգ երաժշտական մասնագիտական դպրոցի, Ստեփանակերտի Սայաթ-Նովայի անվան երաժշտական քոլեջի և Ռոմանի կոնսերվատորիայի` 10-15 տարեկան 95 սան:

Ապրիլի 18-ին, Աշտարակի քաղաքային մշակույթի տանը կայացավ հայ-ֆրանսիական մանկական նվագախմբի հայաստանյան առաջին համերգը: Հնչեցին Արամ Խաչատրյանի, Առնո Բաբաջանյանի, Ստեփան Շաքարյանի, Արամ Սաթյանի, Հեկտոր Բեռլիոզի, Գաբրիել Ֆորեի, Կամիլ Սեն-Սանսի, Մորիս Ռավելի ստեղծագործությունները: Նվագախումբը հանդես եկավ ՀՀ արվեստի վաստակավոր գործիչ, դիրիժոր Ռուբեն Ասատրյանի ղեկավարությամբ: Մենակատարներն էին` հանրապետական և միջազգային մրցույթների դափնեկիրներ Լյուդովիկ Մարիոթը (թավջութակ, Ֆրանսիա), Լևոն Չատիկյանը (դուդուկ, Ֆրանսիա), Անի Աղաջանյանը (վոկալ, Հայաստան), Անդրանիկ Աղաջանյանը (թավջութակ, Հայաստան), Դիանա Ադամյանը (ջութակ, Հայաստան): Նվագախումբը համերգներով հանդես կգա նաև ապրիլի 19-ին Գյումրիի Վ. Աճեմյանի անվան պետական դրամատիկական թատրոնում և ապրիլի 22-ին «Արամ Խաչատրյան» համերգասրահում: Նախագծի շրջանակում ապրիլի 20–ին և 21-ին հայ պատանի երաժիշտ-կատարողների համար Երևանի Պ. Չայկովսկու անվան միջնակարգ երաժշտական մասնագիտական դպրոցում կկազմակերպվեն վարպետության դասեր, որոնք կվարեն Տարոն Կարապետյանը և Լևոն Չատիկյանը: Հիշեցնենք, որ նվագախմբի բեմելը կայացել է 2015 թվականին, Ֆրանսիայում: Նվագախումբը համերգներով հանդես է եկել Ֆրանսիայի Ռոման, Լիոն, Վալանս, Սենտ Էտյեն քաղաքներում: Համերգային ծրագիրն ամբողջությամբ կազմված էր հայ կոմպոզիտորների ստեղծագործություններից` Կոմիտաս, Ա. Խաչատրյան, Է. Միրզոյան, Ա. Հարությունյան, Ռ. Ալթունյան, Վ. Շարաֆյան, Ա. Սաթյան:


Արտոնությունից կօգտվեն նաև նախնական մասնագիտական կրթական ծրագրով ընդունված անձինք․ ԿԳՄՍ

Ճարտարագիտական ամառային դպրոցը նոր գիտելիքներ տվեց ուսանողներին

Առուշ Առուշանյանի գործով կալանավորման հարցի վերաբերյալ որոշումը կհրապարակվի հինգշաբթի

Տեսարանը շատ տհաճ է. Արսեն Բաբայան

Հայաստանում Իրանի դեսպանն այցելել է Գեղարքունիքի մարզ. ՊՆ

ՌԴ դեսպանությունը նոր ռազմական կցորդ ունի. հանդիպում Արտակ Դավթյանի հետ

Այստեղ «ժողովրդի քվեն» իրենց ոչնչով չի կարող օգնել. Էդուարդ Շարմազանով

ԼՐԱՀՈՍ
practice cover.png