Search

Քննարկվել են կանանց և տղամարդկանց իրավահավասարության խնդիրները



Երևանի քաղաքապետարանի աշխատակազմի ընտանիքի, կանանց և երեխաների իրավունքների պաշտպանության բաժնի նախաձեռնությամբ Երևանի քաղաքապետարանում կազմակերպվել է հանդիպում, որի ընթացքում քննարկվել է «Կանանց և տղամարդկանց հավասար իրավունքների և հավասար հնարավորությունների իրավիճակային գնահատման մեթոդաբանութուն» ձեռնարկը։

Կլոր սեղանին մասնակցել են Երևանի քաղաքապետին կից կանանց և տղամարդկանց հավասար իրավունքների և հավասար հնարավորությունների հարցերով հանձնաժողովի և վարչական շրջանների աշխատանքային խմբերի անդամները, ինչպես նաև Համալսարանական կրթությամբ կանանց ասոցիացիայի ներկայացուցիչներ: Մասնակիցները քննարկել են մասնավորապես մայրաքաղաքում կանանց և տղամարդկանց հավասար իրավունքների ու հնարավորությունների ապահովման, դրանց մասին իրազեկման, սեռերի իրավահավասարության և բռնության դեմ պայքարի միջոցներում տեղական ինքնակառավարման մարմինների մասնակցության վերաբերյալ հարցեր։

«Կանանց և տղամարդկանց հավասար իրավունքների և հավասար հնարավորությունների ապահովումը հիմնվում է օրենսդրության և ոլորտում պետության ստանձնած միջազգային պարտավորությունների վրա։ Այս սկզբունքը համարվում է սոցիալական արդարության հասնելու, մարդկային ներուժի արդյունավետ օգտագործման և երկրի կայուն զարգացման երաշխիք։ Այստեղ մեծ է նաև մեր դերը: Պետք է ընդգծեմ, որ բաժինը, արձագանքելով յուրաքանչյուր դեպքի, հետամուտ է լինում բարձրացվող հարցերի լուծմանն ու նաև ինքներս ենք պարբերաբար հանդես գալիս նոր առաջարկներով, որոնք, իսկապես, կարող են լուծում տալ հաճախակի բարձրացվող խնդիրներին»,-նշել է ընտանիքի, կանանց և երեխաների իրավունքների պաշտպանություն բաժնի պետ Իդա Խաչատրյանը:


Եվրոպայում ջրհեղեղի զոհերի թիվը հասել է 210-ի

Պետք է հասկանալ և վերացնել ամուսնալուծությունների պատճառները․ Արա Զոհրաբյան

ԵՄ-ն և ԱՀԿ-ն ժամանակակից ռենտգեն սարքավորում է տրամադրում Մարտունու բժշկական կենտրոնին

Չի բացառվում, որ Ադրբեջանը բլեֆի է գնում. Աբրահամյան

Ֆրանսիայի իշխանությունը հետաքննում է Փարիզում Կուբայի դեսպանատան վրա իրականացված հարձակումը

ԱՄՆ-ն կարևորում է իր երկարամյա գործընկեր հայկական Սփյուռքի դինամիկ ջանքերը․ դեսպան

ՀՀ ԿԳՄՍ նախարարի տեղակալ Արա Խզմալյանն աշխատանքային այցով Սյունիքում է

ԼՐԱՀՈՍ
practice cover.png