Ֆինլանդիայի կառավարությունը խորհրդարան է ներկայացրել ՆԱՏՕ-ին անդամակցելու մասին օրինագիծը

Ֆինլանդիայի կառավարությունը ՆԱՏՕ-ին անդամակցելու մասին օրինագիծն ուղարկել է խորհրդարան։ Այս մասին երկուշաբթի տեղեկացրել է հանրապետության արտաքին գործերի նախարար Պեկա Հաավիստոն։ «Կառավարությունը հենց նոր խորհրդարան է ուղարկել ՆԱՏՕ-ին անդամակցության մասին օրինագիծը,- ասել է Հաավիստոն մամուլի ասուլիսում։- Մենք դաշինքին միանալու ուղղությամբ եւս մեկ քայլ կատարեցինք»։