Search

Փաշինյանն ընտանիքով այցելել է Ծաղկաձորի մարդաշատ ռեստորաններից մեկը


ՀՀ վարչապետ Նիկոլ Փաշինյանը տիկնոջ՝ Աննա Հակոբյանի և երեք դուստրերի հետ Ծաղկաձորում է, այցելել է քաղաքի ռեստորաններից մեկը, որտեղ գրեթե բոլոր տեղերը զբաղված են։ Այս մասին

«Ֆեյսբուք»-ի իր էջում գրել Փաշինյանը։

«Մտանք ծաղկաձորյան ռեստորաններից մեկը: Սրահը համարյա լեցուն է։ Այդ թվում օտարերկրացի զբոսաշրջիկներով»,- նշել է ՀՀ վարչապետը գրառման մեջ:

Հայաստանում գրանցվել է կորոնավիրուսով հիվանդացության հաստատված առաջին դեպքը: Պացիենտը ՀՀ 29 տարեկան քաղաքացի է, տղամարդ, ով կնոջ հետ օդանավով ժամանել է փետրվարի 28-ին, Թեհրանից: Վարչապետը «Ֆեյսբուք»-ի իր էջի ուղիղ եթերում հորդորել էր ռիսկային գոտի չհամարել Ծաղկաձորը, որի «Գոլդեն Փելես» մինչ այժմ չգործող հյուրանոցում տեղավորված են այդ տղամարդու  հետ շփում ունեցած անձինք, և նկատեց, որ Ծաղկաձորում կյանքը պետք է բնականոն կերպով շարունակվի։ Մեկ այլ գրառմամբ նա տեղեկացրել էր, որ ընտանիքի հետ մարտի 1-ի երեկոն և գիշերն անցկացնելու է Ծաղկաձորում։

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia