Search

Վրաստանը ստացել է կորոնավիրուսի դեմ չինական Sinopharm-ի պատվաստանյութի 100 հազար դեղաչափ


Վրաստանը ստացել է կորոնավիրուսի դեմ չինական Sinopharm ընկերության պատվաստանյութի 100 հազար դեղաչափ: Այսօր առավոտյան խմբաքանակն օդանավով հասել է Թբիլիսիի միջազգային օդանավակայան, հայտնում է «Նովոստի-Գրուզիան»:

Սպասվում է, որ Վրաստանում Sinopharm-ի դեղամիջոցով պատվաստումը կսկսվի 2 շաբաթից: Երկրի առողջապահության փոխնախարար Թամար Գաբունիան հայտարարել է, որ իշխանությունները ցանկանում են սպասել Առողջապահության համաշխարհային կազմակերպության կողմից արտակարգ իրավիճակներում չինական պատվաստանյութի օգտագործմանը հավանություն տալուն:

«Ներկայումս այս պատվաստանյութն օգտագործվում է տասնյակ երկրներում, եւ «Սինոֆարմ» պատվաստանյութով պատվաստվել է ավելի քան 40 մլն մարդ: Պատվաստանյութի հետ կապված հետազոտությունները ցույց են տալիս շատ լավ արդյունքներ»,- ասել է Գաբունիան:

Մարտի 31-ին ԱՀԿ իմունացման փորձագետների ռազմավարական խորհրդատվական խումբը միջանկյալ տվյալներ էր հրապարակել Sinopharm եւ Sinovac Biotech դեղամիջոցների վերաբերյալ՝ հայտարարելով դրանց անվտանգության մասին: Սպասվում է, որ արտակարգ նպատակներով այդ պատվաստանյութերի օգտագործման հանձնարարականները կտան մինչեւ ապրիլի վերջը:

Վրաստանն առաջիկայում պետք է ստանա Sinovac Biotech պատվաստանյութի 100 հազար դեղաչափ, որը Չինաստանը Թբիլիսիին նվիրել է:

Վրաստանում կորոնավիրուսի դեմ պատվաստումը սկսվել է մարտի 15-ին: Այս պահին պատվաստման համար գրանցվել կարող են բուժաշխատողները եւ 55-ն անց անձինք: Ընդ որում՝ բոլոր քաղաքացիները AstraZeneca եւ Pfizer դեղամիջոցների միջեւ ընտրություն կատարելու հնարավորություն ունեն:

Վերջին տեղեկություններով՝ երկրում պատվաստվել է ավելի քան 9 735 մարդ: Ազգային ծրագրի համաձայն՝ 2021 թվականին Վրաստանը նախատեսում է պատվաստել չափահաս բնակչության մինչեւ 65 տոկոսին կամ 1,6 մլն մարդու: Հաշվարկվել է, որ դա պետական բյուջեին կարժենա շուրջ 164 մլն լարի (50 մլն դոլար):

Իր որևէ հայտարարություն մեզ համար հիմք չէ. Իշխան Սաղաթելյան

ԱՄՆ դեսպանը հանդիպել է Սյունիքի մարզպետի, Մեղրիի, Գորիսի, Սիսիանի քաղաքապետերի հետ

Սահմանային միջադեպեր չեն արձանագրվել

Նունե Սարգսյանը ներկա է գտնվել իր հեղինակած հեքիաթի բեմականացման փորձին

Հայ խաղաղապահների ստորաբաժանումը մեկնել է Լիբանան

Ռուսաստանում Նավալնուն սատարելու ցույցեր են անցկացվում

Ձեր տխրահռչակ և հայակործան քաղաքական կարիերան այլևս ավարտված է․ Արտակ Թովմասյան

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: