Վերիշեն գյուղում այրվել է անասնակեր

Օգոստոսի 6-ին, ժամը 18։57-ին Սյունիքի մարզային ճգնաժամային կառավարման կենտրոն ահազանգ է ստացվել, որ Վերիշեն գյուղում այրվում է անասնակեր։ Այս մասին հայտնում են ՀՀ ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 19:44-ին, մարվել՝ 19:51-ին: Այրվել է մոտ 50 հակ անասնակեր: