Վարպետները սկսել են Փարիզի Աստվածամոր տաճարի վիտրաժների վերականգնումը

Երբ Աստվածամոր տաճարը զգալի կառուցվածքային վնասվածքներ էր ստացել խոշոր հրդեհի ժամանակ, պատմական շենքի վիտրաժների մեծ մասը կարողացել էր դիմանալ բարձր ջերմաստիճանին ու կրակին, գրում է Reuters-ը։ Բայց պատուհանները խիստ աղտոտվել էին ծխից ու փոշուց, որոնք փակել էին արտաքին լույսը եւ մթնեցրել 170-ամյա ապակու գունային գամման։ Խոշոր հրդեհից ավելի քան երեք տարի անց Ֆրանսիայի ութ ապակեգործներ սկսել են միջնադարյան տաճարի 39 բարձր պատուհանների մաքրման եւ վերականգնման քրտնաջան աշխատանքը: Տաճարը վերականգնման համար փակվել էր 2019 թվականի ապրիլին տեղի ունեցած ավերիչ հրդեհից հետո, որը լրջորեն վնասել էր նրա տանիքը եւ փլուզել սրածայր աշտարակը։ Նպատակը 12-րդ դարում կառուցված տաճարը վերաբացել է մինչեւ 2024 թվականը, երբ Ֆրանսիայում տեղի կունենան Օլիմպիական խաղեր: Վերանորոգմանը օգնում է նաեւ Գերմանիայի Քյոլնի տաճարի արհեստանոցը՝ վերականգնելով չորս բարձր պատուհանների վիտրաժները։