Ռուսաստանի և Իրանի միջև նոր մեծ պայմանագրի շուրջ աշխատանքը եզրափակիչ փուլում է. Պուտին
- Anews
- Sep 15, 2022
- 1 min read
Ռուսաստանի Դաշնության եւ Իրանի միջեւ համագործակցության նոր համաձայնագրի շուրջ աշխատանքները եզրափակիչ փուլում են։ Այս մասին հայտարարել է ՌԴ նախագահ Վլադիմիր Պուտինն իր իրանցի պաշտոնակից Իբրահիմ Ռաիսիի հետ հանդիպմանը, փոխանցում է «ՌԻԱ Նովոստի»-ն։
«Ռուսաստանի եւ Իրանի միջեւ նոր մեծ համաձայնագրի շուրջ աշխատանքը եզրափակիչ փուլում է, որը կնշանավորի համագործակցության հարաբերությունները»,- ասել է Պուտինը։
ՌԴ նախագահը նշել է, որ Մոսկվայի եւ Թեհրանի հարաբերությունները զարգանում են բոլոր ուղղություններով։ Նրա խոսքով՝ երկկողմ համագործակցությունը դրական է զարգանում, ապրանքաշրջանառությունն աճում է։
Այդպես, Ռուսաստանի եւ Իրանի միջեւ ապրանքաշրջանառությունն անցյալ տարի աճել է 81 տոկոսով, իսկ այս տարվա առաջին հինգ ամիսներին՝ եւս 30 տոկոսով, ասել է Պուտինը։
Նա նաեւ հավելել է, որ ակտիվ աշխատում է նաեւ միջկառավարական հանձնաժողովը։
Comentarios