ՌԴ-ն հույս ունի, որ Երեւանն ու Բաքուն կհետեւեն հրադադարի մասին նոր պայմանավորվածությանը

Մոսկվան ակնկալում է, որ Երեւանն ու Բաքուն կհետեւեն հրադադարի մասին նոր պայմանավորվածությանը։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Հրադադարի մասին առաջին պայմանավորվածությունից հետո կրկին փոխգրաձգություններ եղան։ Երեկ նոր պայմանավորվածություն ձեռք բերվեց»,- ասել է Զախարովան։

Նրա խոսքով՝ Մոսկվան կողմերին կոչ է անում զսպվածություն ցուցաբերել, բոլոր խնդիրները լուծել քաղաքական եւ դիվանագիտական ​​միջոցներով, այդ թվում՝ հայ-ադրբեջանական սահմանի սահմանազատման երկկողմ հանձնաժողովի աշխատանքի շրջանակներում՝ Ռուսաստանի խորհրդատվական աջակցությամբ։