Search

ՌԴ ԱԳՆ-ում խոստացել են թույլ չտալ ագրեսիա Տաջիկստանի դեմ


Մոսկվան պատրաստ է անհրաժեշտության դեպքում միջոցներ ձեռնարկել՝ թույլ չտալու համար ագրեսիա Տաջիկստանի դեմ, դրա համար ռուս զինվորականները հանրապետության 201-րդ ռազմակայանում իրականացնում են պլանային եւ արտապլանային վարժանքներ, ասել է ՌԴ փոխարտգործնախարար Անդրեյ Ռուդենկոն։

«Անհրաժեշտության դեպքում Ռուսաստանի Դաշնությունը կձեռնարկի բոլոր անհրաժեշտ միջոցները՝ թույլ չտալու համար ագրեսիա կամ տարածքային սադրանքներ ռուս-տաջիկական ռազմավարական գործընկերության եւ դաշնակցության ոգուն համապատասխան»,- ասել է Ռուդենկոն ՌԻԱ «Նովոստի»-ի հարցազրույցում։

«Հանրապետությունում 201-րդ ռազմակայանի ռուս զինվորականները իրականացնում են պլանային եւ արտապլանային մարտավարական վարժանքներ»,- ընդգծել է Ռուսաստանի փոխարտգործնախարարը։

Նա ավելացրել է, որ Ռուսաստանը կշարունակի օգնություն ցուցաբերել հետագայում Տաջիկստանի պաշտպանունակության ամրապնդման հարցում։

«Մենք, անշուշտ, կշարունակենք օգնություն ցուցաբերել Տաջիկստանի պաշտպանունակության ամրապնդման գործում, ինչպես երկկողմ ձեւաչափով, այնպես էլ տաջիկ-աֆղանական սահմանի ամրապնդման վերաբերյալ ՀԱՊԿ Հավաքական անվտանգության խորհրդի 2013թ. սեպտեմբերի 23-ի որոշման կատարման՝ ՀԱՊԿ հարավային սահմանների անվտանգության ապահովման կարեւոր գործիքի շրջանակում։

Աֆղանստանում ընթանում է դիմակայություն կառավարական ուժերի եւ «Թալիբան» շարժման գրոհայինների միջեւ, որոնք տիրել են զգալի տարածքների գյուղական շրջաններում եւ հարձակում սկսել խոշոր քաղաքների դեմ։ Անկայունությունն Աֆղանստանում խորանում է ԱՄՆ վարչակազմի խոստումների ֆոնին՝ մինչեւ սեպտեմբերի 11-ը ավարտել զորքերի դուրսբերումն աֆղանական հողից։ 2020թ. Վաշինգտոնը եւ «Թալիբանի» ներկայացուցիչները Դոհայում ստորագրեցին պատերազմի ավելի քան 18 տարվա մեջ առաջին հաշտության համաձայնագիրը։ Այն նախատեսում է օտարերկրյա զորքերի դուրսբերում Աֆղանստանից 14 ամսում եւ միջաֆղանական երկխոսություն գերիների փոխանակումից հետո։

Հոռոմ համայնքում 100 տոկոսով կլուծվի արտաքին լուսավորության խնդիրը

Ես «Հայաստան» դաշինքի հետ գնում եմ խորհրդարան, որ մեր երկրում օր առաջ փոխվի իշխանությունը. Նազարյան

211 ավտոբուսներն այսօր Լյաոչեն քաղաքի գործարանից ուղևորվեցին դեպի Շանհայի նավահանգիստ. Մարության

ԱՄՆ-ը նոր պատժամիջոցներ է մտցրել կուբացի պաշտոնյաների դեմ բողոքները ճնշելու համար

ՄԱԿ-ը դատապարտել է հարձակումը Աֆղանստանում կազմակերպության առաքելության համալիրի դեմ

Բայդենը մեկնաբանել է ՌԴ-ի հետ ռազմավարական կայունության շուրջ բանակցությունների արդյունքները

Ադրբեջանը կրակ է բացել Երասխի հատվածում տեղակայված հայկական դիրքերի ուղղոթյամբ. ՀՀ ՊՆ

ԼՐԱՀՈՍ
practice cover.png