Պուտինն այսօր Անվտանգության խորհրդի օպերատիվ խորհրդակցություն կանցկացնի

ՌԴ նախագահ Վլադիմիր Պուտինն այսօր Անվտանգության խորհրդի օպերատիվ խորհրդակցություն կանցկացնի։ Այս մասին հայտարարել է ՌԴ նախագահի խոսնակ Դմիտրի Պեսկովը, հաղորդում է «ՌԻԱ Նովոստին»։ «Նախագահը նախատեսում է օպերատիվ խորհրդակցություն անցկացնել Անվտանգության խորհրդի մշտական ​​անդամների հետ այսօր կեսօրին կամ կեսօրից հետո»,-ասել է Պեսկովը։ Նրա խոսքով՝ մինչ այդ նախագահը կարող է մասնակցել այլ միջոցառումների, որոնց մասին Կրեմլը լրացուցիչ կտեղեկացնի։ Բացի այդ, չորեքշաբթի Պուտինը ելույթ կունենա ԱՊՀ երկրների անվտանգության մարմինների եւ հետախուզական ծառայությունների ղեկավարների խորհրդի նիստի պատվիրակությունների ղեկավարների առջեւ։