Search

Պլասիդո Դոմինգոն վարակվել է կորոնավիրուսով


Իսպանացի օպերային երգիչ Պլասիդո Դոմինգոն գրառում է կատարել իր ֆեյսբուքյան էջում` հայտարարելով, որ ինքը ևս վարակվել է կորոնավիրուսով:  «Ես և իմ ընտանիքը գտնվում ենք ինքնամեկուսացման մեջ այնքան ժամանակ, որքան բժիշկներն անհրաժեշտ կհամարեն: Ներկայումս մենք բոլորս մեզ լավ ենք զգում, բայց ես ունեցել եմ ջերմություն և հազ, և այդ պատճառով որոշեցի թեստ անցնել, և թեստի արդյունքները դրական էին: Բոլորին խնդրում եմ չափազանց զգույշ լինել, հետևել ցուցումներին` հաճախ ձեռքերը լվանալով, ուրիշներից 2 մետր հեռավորություն պահպանելով, և անելով այն ամենը, որպեսզի կարողանաք կանգնեցնել վիրուսի տարածումը: Եվ խնդրում եմ` ամենից առաջ մնացեք տանը, եթե կարող եք: Միասին կարող ենք պայքարել վիրուսի դեմ և կանգնեցնել ներկայիս համաշխարհային ճգնաժամը, որ կարողանանք շատ շուտով վերադառնալ մեր առօրյա կյանքերին: Խնդրում եմ` հետևեք ձեր տեղական իշխանությունների ցուցումներին և կանոնակարգերին` ապահով մնալու և ոչ միայն ձեզ պաշտպանելու համար, այլև ամբողջ համայնքին»,- գրել է երգիչը: 

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia