Ուկրաինայում Միջազգային քրեական դատարանի ներկայացուցչություն կբացվի
Ուկրաինայում կսկսի աշխատել Միջազգային քրեական դատարանի (ՄՔԴ) ներկայացուցչությունը, հայտնում է «Настоящее время»-ն՝ հղում անելով Ուկրաինայի գլխավոր դատախազության գրասենյակին։ ՄՔԴ-ի ուկրաինական ներկայացուցչության բացման մասին պայմանագիրը ստորագրել են ՄՔԴ քարտուղար Պիտեր Լյուիսը եւ Ուկրաինայի գլխավոր դատախազ Անդրեյ Կոստինը։ Ավելի վաղ Միջազգային քրեական դատարանը ձերբակալության օրդեր էր տվել ՌԴ նախագահ Վլադիմիր Պուտինի եւ երեխաների իրավունքների պաշտպան Մարիա Լվովա-Բելովայի համար։
Comments