Շրի Լանկան առաջիկա 12 ամիսներին կսահմանափակի վառելիքի ներկրումը

Շրի Լանկան առաջիկա 12 ամիսներին կսահմանափակի վառելիքի ներկրումն արտարժույթի խիստ պակասի պատճառով, քանի որ կղզի երկրի նոր կառավարությունը փորձում է ելք գտնել իր ծանրագույն տնտեսական ճգնաժամից, երկուշաբթի հայտարարել է էներգետիկայի նախարար Կանչանա Վիջեսեկերան, հաղորդում է Reuters-ը։ Երկիրն արդեն մի քանի ամիս պայքարում է առաջին անհրաժեշտության ապրանքների, ներառյալ վառելիքի եւ բժշկական պարագաների պակասի դեմ այն բանից հետո, երբ նրա արտարժույթի պահուստները վերջացել են տնտեսական վատ խնայողության եւ COVID-19 համավարակի հետեւանքներից: «Արժույթի հետ կապված խնդիրների պատճառով վառելիքի ներմուծումը պետք է սահմանափակվի առաջիկա 12 ամիսների ընթացքում»,- հայտարարել է Վիժեսեկերան՝ բացատրելով վառելիքի նորմավորման համակարգի ներդրման պատճառները, որն ուժի մեջ կմտնի այս շաբաթ: Նորմավորման համակարգը առաջին քայլերից մեկն է, որը Շրի Լանկայի նոր նախագահ Ռանիլ Վիկրեմեսինգեն կձեռնարկի ճգնաժամի ազդեցությունը մեղմելու համար՝ անցյալ շաբաթ պաշտոնը ստանձնելուց հետո: Նրա նախորդը՝ Գոտաբայա Ռաջապակսան, փախել է երկրից, այնուհետեւ հրաժարական է տվել այս ամսվա սկզբին՝ տնտեսական ճգնաժամի հետեւանքով առաջացած լայնածավալ բողոքի ցույցերից հետո: