Շարունակվում է նաև կորոնավիրուսի չհայտարարված պատերազմը․ Ոստիկանության հայտարարությունը
Ոստիկանությունը հայտարարություն է տարածել՝ հորդորելով պահպանել հակահամաճարակային անվտանգության կանոնները, ինքնահսկողությամբ ու հանրային հսկողությամբ կատարել պատկան մարմինների հանձնարարականները, անվերապահորեն ենթարկվել իրավապահների օրինական պահանջներին։
«Հարգելի համաքաղաքացինե՛ր:
Հայոց բանակը, պահեստազորն ու կամավորականները հերոսաբար պաշտպանում են հայրենի սահմանները, քանզի վստահ են՝ թիկունքն ամո՛ւր է:
Արժանի՛ լինենք մեր զինվորների վստահությանը:
Արժանի՛ լինենք անմնացորդ թիկունքային կարգապահությամբ ու կազմակերպվածությամբ:
Հիշե՛նք, որ մյուս փորձությունների հետ շարունակվում է նաև կորոնավիրուսի չհայտարարված պատերազմը:
Հիշե՛նք, որ միայն առողջ ու կենսունակ թիկունքը կարող է իսկապես զորավիգ լինել ռազմաճակատին:
Կոչ ենք անում, հորդորում ու պահանջում ենք՝ հստակ պահպանեք հակահամաճարակային անվտանգության կանոնները, ինքնահսկողությամբ ու հանրային հսկողությամբ կատարեք պատկան մարմինների հանձնարարականները, անվերապահորեն ենթարկվեք իրավապահների օրինական պահանջներին:
Վստահ ենք՝ մեր ժողովուրդը կհաղթի նաև այս պատերազմում, որովհետև դա մեր զինվորների պահանջն է:
Զինվոր զգանք մեզ այս պատերազմում:
Հաղթելո՛ւ ենք»,- ասված է ոստիկանության հայտարարության մեջ:
תגובות