Նոր Զելանդիայի իշխող կուսակցությունը հայտնել է երկրի հաջորդ վարչապետի անունը

Նոր Զելանդիայի կրթության նախարար Քրիս Հոփքինսը կդառնա Նոր Զելանդիայի հաջորդ վարչապետ Ջասինդա Արդերնի հրաժարականից հետո։ Այս մասին հայտնում է Radio New Zealand-ը՝ վկայակոչելով Լեյբորիստական կուսակցության հայտարարությունը: Ներկուսակցական ընտրությունները տեղի կունենան հունվարի 22-ին։ Հոփքինսը դարձել է վարչապետի միակ թեկնածուն։ Ինքը՝ Հոփքինսը, արդեն հայտարարել է, որ անհամբերությամբ սպասում է պաշտոնի նշանակմանը։ «Ես իսկապես անհամբեր սպասում եմ այս աշխատանքին։ Ես զգում եմ էներգիայի եւ խանդավառության պոռթկում»,-ասել է նա։