Search

Մոսկվայում ևս 149 պացիենտ ապաքինվել է կորոնավիրուսից


Մոսկվայի տարբեր հիվանդանոցներում գտնվող ևս 149 պացիենտ բուժվել է նոր տիպի կորոնավիրուսային հիվանդությունից։

Ինչպես հաղորդում է «ՌԻԱ Նովոստի»-ն, այս մասին լրագրողներին հայտնել է Մոսկվայի քաղաքապետի տեղակալ Անաստասիա Ռակովան։

«Մոսկվայում կորոնավիրուսով ապաքինվածների թիվը աստիճանաբար ավելանում է։ Անցած օրերի ընթացքում մոսկովյան հիվանդանոցներից դուրս է գրվել միանգամից 149 մարդ։ Այն պացիենտներն, ում դուրս գրվելուց հետո անհրաժեշտ է մնալ բժիշկների հսկողության տակ, ստացել են համապատասխան ցուցումներ։ Մոսկվայում, ընդհանուր առմամբ, կորոնավիրուսից ապաքինվել է 499 մարդ»,- տեղեկացրել է Ռակովան։

Փոխքաղաքապետը հիշեցրել է, որ մարդու մոտ հիվանդության բացակայությունը հաստատելու համար բուժումից հետո բժիշկները հատուկ հետազոտություններ են անցկացնում։

Ռուսաստանում կորոնավիրուսով վարակվածների թիվը հասել է 11 հազար 917-ի։ Հիվանդությունից ապաքինվել է 795, մահացել` 94 մարդ։

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia