Մոլդովան Ռուսաստանին կոչ է արել զորքերը դուրս բերել Մերձդնեստրից
- Anews
- Feb 25, 2023
- 1 min read
Մոլդովայի փոխվարչապետ, արտգործնախարար Նիկոլայ Պոպեսկուն Մոսկվային կոչ է արել դուրս բերել զինվորականներին Մերձդնեստրից: Նա սադրիչ է անվանել Ռուսաստանի արտգործնախարարության հայտարարությունը Մերձդնեստրի նկատմամբ ծրագրվող ռազմական գործողության մասին:
Պոպեսկուն նաև հերքել է ՌԴ Պաշտպանության նախարարության հայտարարությունը, թե Մերձդնեստրի մոտակայքում նկատվում են Ուկրաինայի զինված ուժերի և ռազմական տեխնիկայի զգալի կուտակումներ: «Այդ հայտարարություններն անհիմն են, հասարակական կարծիքը շահարկելու նպատակ են հետապնդում»,- նշել է փոխվարչապետը։
Ավելի վաղ Ռուսաստանի պաշտպանության նախարարությունը հայտարարել էր, որ Ուկրաինան հարձակում է պատրաստում Մերձդնեստրի դեմ: Այդ հայտարարությունը հերքել է նաև Ուկրաինայի նախագահը: Վոլոդիմիր Զելենսկին ընդգծել է, որ իր երկիրը չի ծրագրում զորքեր մտցնել Մերձդնեստրի տարածք, քանի որ այն համարում է Մոլդովայի մաս:
留言