ՄԻՊ-ը ԵԱՀԿ Մինսկի խմբի Ֆրանսիայի համանախագահին ներկայացրել է Հայաստանի դեմ հարձակման հետեւանքները
- Anews
- Oct 11, 2022
- 1 min read
ՀՀ մարդու իրավունքների պաշտպան Քրիստիննե Գրիգորյանը հոկտեմբերի 10-ին հանդիպել է ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյին։ Այս մասին հաղորդում են ՀՀ ՄԻՊ-ի աշխատակազմից։ Ըստ հաղորդագրության՝ հանդիպման ընթացքում Պաշտպանը ներկայացրել է Ադրբեջանի զինված ուժերի կողմից Հայաստանի վրա հարձակման հետեւանքները՝ անդրադառնալով միջազգային մարդասիրական իրավունքի եւ մարդու իրավունքների կոպիտ ու շարունակվող խախտումներին։ Իր խոսքում Պաշտպանը ներկայացրել է հայ զինծառայողների, մասնավորապես կանանց նկատմամբ Ադրբեջանի զինված ուժերի կողմից իրականացված խոշտանգումների, անմարդկային ու նվաստացնող վերաբերմունքի դեպքերը, ինչպես նաեւ փոխանցել է Պաշտպանի հաստատության կողմից այս փաստերն ամրագրող ոչ հրապարակային զեկույցը։ Իր խոսքում պարոն Ռոքվոյը կարեւորել է Պաշտպանի հաստատության կողմից իրականցվող աշխատանքները եւ հայտնել պատրաստակամություն շարունակելու համագործակցությունը։ Հանդիպմանը ներկա էր նաեւ Հայաստանում Ֆրանսիայի արտակարգ եւ լիազոր դեսպան Անն Լույոն։
Comments