Search

Մերկելը պաշտպանում է միջուկային էներգիայի օգտագործումը դադարեցնելու իր որոշումը


Կանցլեր Անգելա Մերկելը պաշտպանել է հաջորդ տարի Գերմանիայում միջուկային էներգիայի օգտագործումը դադարեցնելու մասին իր որոշումը, սակայն խոստովանել է, որ դա կդժվարացնի կարճաժամկետ հեռանկարում ջերմոցային գազերի արտանետումների կրճատումը, հաղորդել է AP-ն:

10 տարի առաջ Ֆուկուշիմայում տեղի ունեցած միջուկային աղետից հետո ընդունված որոշումը Մերկելի կառավարման 16 տարիների շրջադարձային պահերից մեկն է համարվում: Քննադատները նշում են, որ այդ քայլը կրկնակի բեռ է Գերմանիայի համար, քանի որ նա փորձում է մինչեւ 2045 թվականը զրոյացնել ածխածնի արտանետումները:

«Կան երկրներ, որոնք այլ ընտրություն են կատարում, ընդ որում, նրանց համար ինչ-որ առումով ավելի հեշտ կլինի հասնել կլիմայական չեզոքության», - ասել է Մերկելը: «Ես դեռ հավատում եմ, որ միջուկային էներգիան երկարաժամկետ հեռանկարում էներգիայի կայուն ձեւ չէ»:

Մինչեւ 2022 թվականի վերջը միջուկային էներգիայից փուլային հրաժարումը Գերմանիային առաջիկա տարիներին ավելի կախված կդարձնի ածուխից՝ Ֆրանսիայի կամ Մեծ Բրիտանիայի համեմատ: Սակայն Գերմանիայի կառավարությունը պարտավորվել է մինչեւ 2038 թվականը դադարեցնել նաեւ ածխի այրումը: Այս նպատակին, ըստ Մերկելի, հնարավոր է հասնել միայն էներգիայի վերականգնվող աղբյուրների եւ պակաս աղտոտող բնական գազի օգտագործումը՝ որպես միջանկյալ տեխնոլոգիա մեծապես ընդլայնելու միջոցով:

Նա մերժել է այն գաղափարը, որ ապագա կառավարությունը կարող է չեղյալ համարել որոշումը եւ փոխարենը կոչ է արել ակտիվացնել ջրածնի արտադրությանն ուղղված ջանքերը, որը, ըստ փորձագետների, հարկավոր կլինի երկրի արդյունաբերության համար:


ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից

Հոռոմ համայնքում 100 տոկոսով կլուծվի արտաքին լուսավորության խնդիրը

Ես «Հայաստան» դաշինքի հետ գնում եմ խորհրդարան, որ մեր երկրում օր առաջ փոխվի իշխանությունը. Նազարյան

211 ավտոբուսներն այսօր Լյաոչեն քաղաքի գործարանից ուղևորվեցին դեպի Շանհայի նավահանգիստ. Մարության

ԱՄՆ-ը նոր պատժամիջոցներ է մտցրել կուբացի պաշտոնյաների դեմ բողոքները ճնշելու համար

ՄԱԿ-ը դատապարտել է հարձակումը Աֆղանստանում կազմակերպության առաքելության համալիրի դեմ

Բայդենը մեկնաբանել է ՌԴ-ի հետ ռազմավարական կայունության շուրջ բանակցությունների արդյունքները

ԼՐԱՀՈՍ
practice cover.png