Search

Մարալիկում գրանցվել է կորոնավիրուսի առաջին դեպքը


Շիրակի մարզի Անի խոշորացված համայնքում երեկ գրանցվել է կորոնավիրուսի առաջին դեպքը: Վարակակիրը Մարալիկ քաղաքից է:

Մեզ հետ զրույցում Անի խոշորացված համայնքի ղեկավար Արտակ Գևորգյանն ասաց, որ համայնքում մշտապես կանխարգելիչ միջոցառումներ իրականացվում են: «Ախտահանման, իրազեկման և այլ կանխարգելիչ միջոցառումներ մշտապես իրականացնում ենք, մեր միակ խնդրանքն է բնակչությանը, որ հնարավորինս քիչ դուրս գան տնից»:

Հարցին՝ միայն այս դեպք է գրանցվել՝ Գևորգյանը պատասխանեց. «Այո, դեռևս մեկ հաստատված դեպք կա, կոնտակտավորներն էլ մեկուսացված են»:

Նշենք, որ առողջապահության նախարարությունը առանձին դեպքերով որևէ տեղեկատվություն չի տրամադրում:

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia