top of page

Մահացել է Գայանե Փայտյանը

  • Anews
  • Oct 27, 2022
  • 1 min read

Կյանքից հեռացել է լրագրող, սցենարիստ, հաղորդավար Գայանե Փայտյանը։ Նա առողջական խնդիրներ ուներ: Գայանե Փայտյանը 48 տարեկան էր: Նա, որպես լրատվական մեկնաբան, 1995-99թթ աշխատել է Հայաստանի ազգային հեռուստաընկերությունում, 1999-2015թթ՝ Հայկական Երկրորդ հեռուստաալիքի «Լրաբեր» լրատվական ծրագրում։ 2000-2008թթ եղել է ՀՀ Ազգային Ժողովի հասարակայնության հետ կապերի վարչության գլխավոր մասնագետը։ 2004թ-ից միջազգային հեռուստատեսային ակադեմիայի անդամ է։ 2006թ. Հայկական Երկրորդ հեռուստաալիքով հեղինակել և վարել է «Կախման կետեր», 2017թ–ից՝ «Զրույց Փայտյանի հետ» հաղորդաշարերը և այլն։ Մասնագիտական ակտիվ գործունեության համար Գայանե Փայտյանն արժանացել է Երևանի քաղաքապետի պատվոգրին, ստացել է բազմաթիվ շնորհակալագրեր։ Anews.am-ի խմբագրակազմը իր ցավակցությունն է հայտնում Գայանե Փայտյանի ընտանիքին և հարազատներին:

 
 
 

Hozzászólások


bottom of page