Search

ՄԱԿ-ը Ռոքֆելերների ընտանիքին է վերադարձրել «Գերնիկայի» պատկերով գոբելենը


ՄԱԿ-ը Ռոքֆելերների ընտանիքին է վերադարձրել Պաբլո Պիկասոյի «Գերնիկայի» պատկերով գոբելենը: Գրեթե 36 տարի «Գերնիկայի» պատկերով գոբելենը զարդարում էր Նյու Յորքում ՄԱԿ կենտրոնակայանում Անվտանգության խորհրդի դահլիճի մուտքի պատը, հայտնում է CBS-ը:

1955 թվականին գոբելենը պատվիրել էր Նելսոն Ա.Ռոքֆելեր կրտսերը, 1984 թվականին այն վարձակալությամբ տրվել էր Միավորված ազգերի կազմակերպությանը: Ռոքֆելերը վերջերս «ՄԱԿ-ին իրազեկել էր այն վերադարձնելու մտադրության մասին», գոբելենը վերադարձվել էր այս ամսվա սկզբին:

«Մենք շնորհակալ ենք Ռոքֆելերների ընտանիքին, որ նրանք ավելի քան 35 տարի մեզ էին տրամադրել արվեստի այս հզոր եւ կուլտային ստեղծագործությունը»,- ասել է ՄԱԿ պաշտոնական ներկայացուցիչ Սթեֆան Դյուժարիկը:

«Սարսափելի է, սարսափելի է, որ այն չկա»,- CBS News-ին ասել է ՄԱԿ գլխավոր քարտուղար Անտոնիո Գուտերեշը՝ անցնելով հիմա արդեն դատարկ պատի կողքից:

Նկարի բնօրինակը Պիկասոն նկարել է 1937 թվականին: Կտավում կտրուկ սեւ եւ գորշ երանգներով պատկերված է Իսպանիայում քաղաքացիական պատերազմի ժամանակ նացիստական Գերմանիայի կողմից իսպանական Գերնիկա քաղաքի ռմբակոծումը: Արվեստի ստեղծագործությունը, որը համարվում է աշխարհում ամենատպավորիչ հակապատերազմական կտավը, ցուցադրվում է Մադրիդում Թագուհի Սոֆյայի թանգարանում:

ԱԴԾ-ն հայտարարել է Մինսկում ռազմական հեղաշրջումը խափանելու մասին

Վաշինգտոն նահանգը 2030 թվականից կարգելի բենզինով մեքենաները

4 կուսակցություններ հայտարարություն են տարածել

Բայդենը փախստականների համար ներգաղթի քվոտաներ է սահմանել

Ամենայն Հայոց Կաթողիկոսը ցավակցագիր է հղել Վարդան Գրեգորյանի մահվան առիթով

Բայդենը և Յոշիհիդե Սուգան պայմանավորվել են համատեղ աշխատել 5G-ի ուղղությամբ

Ապրիլի 19-ին կդադարեցվի Գեղարքունիքի մարզի Լճաշեն գյուղի մի հատվածի գազամատակարարումը

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: