Search

Հրապարակվել է Եվրոպայի խորհրդի միջազգային ՀԿ-ների համաժողովի զեկույցը


Եվրոպայի խորհրդի միջազգային հասարակական կազմակերպությունների համաժողովի կողմից հրապարկվել է Հայաստանում «Քաղաքացիական մասնակցությունը որոշումների կայացման գործընթացում» զեկույցը։

Այն պատրաստվել է 2019-ի նոյեմբերի 27-29-ը ԵԽ ՄՀԿ-ների համաժողովի պատվիրակության Հայաստան կատարած այցի արդյունքում։

Այցի ընթացքում հյուրընկալող կազմակերպությունը` Հայաստանի երիտասարդական ակումբների դաշնությունը (FYCA) կազմակերպել է երկու հանդիպում ավելի քան 50 հասարակական կազմակերպությունների հետ` մարդու և քաղաքացիական իրավունքների պաշտպանության, իրավաբանական և կանանց , երիտասարդության հարցերով զբաղվող կազմակերպությունների հետ։

Եվրոպայի Խորհրդում Հայաստանի մշտական ​​ներկայացուցչությունը հանդիպումներ է կազմակերպել մի շարք պետական ​​մարմինների հետ` Արդարադատության նախարարություն, Արտաքին գործերի նախարարություն, Աշխատանքի և սոցիալական հարցերի նախարարություն, ԱԺ ԵԽԽՎ հայկական պատվիրակություն, Երևանի քաղաքապետարան և Մարդու իրավունքների պաշտպանի գրասենյակ:

Զեկույցում հատկապես ընդգծվում է առավել առաջադեմ հանրային քաղաքականություններ ներդնելու և կայուն մասնակցային ժողովրդավարության զարգացման անհրաժեշտությունը։ Այս ամենը պետք է հանգեցնի հետևյալին՝


  • Հայաստանում քաղաքացիական հասարակության համար անհրաժեշտ միջավայրի խթանման ռազմավարական ճանապարհային քարտեզի ընդունում։

  • Եվրոպայի խորհրդի Ստամբուլյան կոնվենցիայի վավերացման գործընթացի արագացում, որը պետք է ուղեկցվի Կոնվենցիայի վերաբերյալ կեղծ կարծրատիպերը կոտրելու և բնակչությանը կոնվենցիայի բովանդակության վերաբերյալ իրազեկվածության բարձրացման արշավով։

  • ԼԳԲՏ անձանց պաշտպանությանը միտված հատուկ իրավական դրույթների իրականացում, որոնք պաշտպանում են այս անձանց հարձակումներից, խտրականությունից, ատելության խոսքից և հանցագործությունից։

  • Երիտասարդական քաղաքականության ամրապնդում և երիտասարդների կարիքների առավել մանրազննին դիտարկում։

  • Եվրոպական սոցիալական խարտիայի ներքո կոլեկտիվ բողոքների համակարգ նախատեսող լրացուցիչ մեխանիզմների ընդունում։

Զեկույցը առաջիկայում նախատեսվում է թարգմանել հայերեն

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia