ՀՆԱ-ում կապիտալ ծախսերի մասնաբաժինը նախատեսվում է ավելացնել․ ԿԲ նախագահ

Կառավարության կողմից նախատեսված տնտեսական աճի պայմաններում 2023 թվականի պետական բյուջեի իրացման ծրագիրն ընդհանուր առմամբ ուղղված է ՀՆԱ-ի նկատմամբ հարկերի ավելի դանդաղ աճին եւ կապիտալ ծախսերի տեմպերի արագացմանը, որին հաջորդում է պետական պարտքի կրճատումը։ Այս մասին նոյեմբերի 16-ին Ազգային ժողովի նիստում 2023 թվականի պետբյուջեի նախագծի քննարկման ժամանակ հայտարարեց ՀՀ ԿԲ նախագահ Մարտին Գալստյանը։ Միեւնույն ժամանակ, 2023 թվականի համար կանխատեսվող բարձր տնտեսական աճը հիմնված է հիմնական ներդրումների, այդ թվում՝ պետական ներդրումների մասնաբաժնի զգալի աճի վրա։ «Զգալիորեն նախատեսվում է ավելացնել նաեւ ՀՆԱ-ում կապիտալ ծախսերի մասնաբաժինը՝ մինչեւ 5,9 տոկոս։ Ընդ որում, ընթացիկ ծախսերը նախատեսվում է նվազեցնել մինչեւ 21,9 տոկոս»,-պարզաբանեց Գալստյանը։