ՀՀ-ում Իրանի նախկին դեսպանը սոցիալական ցանցերում օգտահաշիվներ չունի
ՀՀ-ում Իրանի նախկին դեսպան Սեյեդ Ղասեմ Սաջադին սոցիալական ցանցերում օգտահաշիվներ չունի։ IRNA-ի հաղորդմամբ՝ Սաջադիի անունից Twitter-ի էջի հայտնվելուց հետո Իրանի ԱԳՆ մամուլի ծառայությունը հայտնել է, որ դիվանագետը կիբերտարածությունում, այդ թվում՝ Twitter-ում, ոչ մի օգտահաշիվ չունի։ Նշենք, որ նախօրեին լրատվամիջոցները հրապարակել էին Սաջադիի թվիթը, որտեղ նշվում էր, որ Սիրիայից Ադրբեջան ահաբեկիչների տեղափոխումը Թուրքիայի կողմից եւ նրանց ներկայությունը Իրանի սահմանների մոտ անընդունելի է։
Comments