ՀՀ ԱԳՆ-ը ցավակցություն է հայտնել Հրվ. Կորեային՝ Սեուլում տեղի ունեցած ողբերգության կապակցությամբ

Հայաստանի Հանրապետության Արտաքին գործերի նախարարությունն իր ցավակցությունն է հայտնել Հարավային Կորեային՝ Սեուլում տեղի ունեցած ողբերգության կապակցությամբ։ «Մենք ազդված ենք Սեուլում տեղի ունեցած հրմշտոցի ժամանակ զոհվածների ողբերգական լուրից։ Մեր խորին ցավակցությունն ենք հայտնում բոլոր նրանց, ովքեր կորցրել են իրենց սիրելիներին, իսկ վիրավորներին մաղթում ենք շուտափույթ ապաքինում»,- ասված է հաղորդագրությունում։