Search

Հայերեն թարգմանությամբ լույս է տեսել Ջոն Մաքսվելի «Առաջնորդության 21 անվիճարկելի օրենքները»


Միջազգայնորեն ճանաչում ունեցող առաջնորդության փորձագետ, հրապարակախոս և հեղինակ Ջոն Ք. Մաքսվելի «Առաջնորդության 21 անվիճարկելի օրենքները» գիրքը առաջին անգամ հայերեն է թարգմանվել: Մայիսի 12-ից այն դրվել է ընթերցողի սեղանին: Գիրքը լույս է ընծայել «Էդիթ Պրինտ» հրատարակչությունը, թարգմանիչն է Մարիա Սեմերջյանը:

Ջոն Ք. Մաքսվելը, որը ամեն տարի ելույթներ է ունենում «Ֆորչուն 500»-ի վարկանիշով խոշորագույն ընկերությունների, միջազգային, պետական առաջնորդների և բիզնեսի ամենահաջողակ ներկայացուցիչների համար, մեկտեղում է ավելի քան քառասուն տարվա առաջնորդության փորձն ու հմտությունները «Առաջնորդության 21 անվիճարկելի օրենքները» գրքում։

«Մեր հրատարակչությունը շատ վաղուց էր ցանկանում ձեռք բերել առաջնորդության մասին այս թիվ մեկ բեսթսելերն աշխարհում հայերեն թարգմանելու և լույս ընծայելու իրավունքը: Այս բացառիկ գրքում Մաքսվելը բացահայտում է առաջնորդության 21 համընդհանուր ճշմարտությունները որպես օրենքներ, որոնք կարող են յուրաքանչյուրի ուղեկիցը դառնալ լավ առաջնորդ լինելու ճանապարհին։ «Բիզնես ինսայդեր» ամսագիրը Մաքսվելին համարում է առաջնորդության ամենաազդեցիկ փորձագետն աշխարհում. դրա մասին վկայում է այն, որ նրա հիմնած կազմակերպություններն աշխարհով մեկ վերապատրաստել են ավելի քան 2 միլիոն առաջնորդ»,-նշում է «Էդիթ Պրինտ» հրատարակչության մարքեթինգի տնօրեն Շավարշ Կարապետյանը:

Ի դեպ, գրքի նախաբանը գրել է «Ամենաարդյունավետ մարդկանց յոթ սովորույթները», «Ութերորդ սովորույթը», «Ամենօրյա մեծություն» գրքերի հեղինակ Սթիվեն Ռ. Քովին:

«Առաջնորդության մասին այս գիրքը մակերեսային ուսումասիրություն չէ, այլ հիմարար հրահանգների ձեռնարկ, որն ընթերցելիս կիմանաք այն մարդկանց մասին, որոնցից մի քանիսին հաջողվել է իրականացնել այդ օրենքները, իսկ ոմանք ձախողել են: Օրենքներից յուրաքանչյուրն առաջադրված է պարզ և մատչելի ձևով, իսկ կարևորագույնն այն է, որ Մաքսվելը ձեզ կհայտնի այն քայլերի մասին, որոնց հետևելով, կկարողանաք կիրառել առաջնորդության օրենքներն աշխատավայրում, համայնքում, ընտանիքում կամ եկեղեցում»,-նշում է Քովին:

Հայաստանում տիրող քաղաքական իրավիճակը և Արցախում կարևորագույն դրոշի ուշադրության բացակայությունը

Ընթանում է Կառավարության նիստը. ՈՒՂԻՂ

Հաստատվել է կորոնավիրուսով վարակվելու 1277 նոր դեպք. մահացել է 37 մարդ

Անվճար հեռավար բուժօգնություն տրամադրելու պատճառով ազատվել եմ աշխատանքից. Լամարա Մանուկյան

2018 թվականին ժողովուրդը հավատաց, թե Նիկոլը բարձրացրել է ինքնիշխանության դրոշը. Մինասյան

Եղանակը Հայաստանում

Արցախի հյուսիսը հսկող քաջերը. ֆոտոշարք

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: