Search

Հայաստանն այն քիչ երկրներից է, որտեղ առկա ուսուցումը հիմնական ծավալով վերականգնված է. Անդրեասյան


Հայաստանն այն քիչ երկրներից է, որտեղ առկա ուսուցումը հիմնական ծավալով վերականգնված է։ Այս մասին Ֆեյսբուքի իր էջում գրել է Կրթության, գիտության, մշակույթի եւ սպորտի փոխնախարար Ժաննա Անդրեասյանը։

Նա, մասնավորապես, գրել է․

«Մեկ շաբաթից կրթության միջազգային օրն է, որ նշվելու է արդեն երրորդ անգամ։ Այս տարի կրթության միջազգային օրվա համար ընտրված թեման է՝ վերականգնել եւ վերապրեցնել կրթությունը COVID-19 սերնդի համար։ Օրվա գլոբալ միջոցառումը կենտրոնացած է լինելու երեք հիմնական ուղղություններով՝ ֆինանսավորում, նորարարություններ եւ կրթական հերոսներ։ Օրվա շրջանակներում երկրների կողմից համաձայնեցված հռչակագրի նախագծի կարեւոր կետերից է կրթության բյուջեների պաշտպանությունը՝ նպատակ ունենալով, չնայած դժվարություններին, առնվազն չկրճատել կրթությանն ուղղվող ֆինանսավորումը։

Համավարակը վտանգեց շուրջ 1,6 միլիարդ սովորողների կրթությունը։ Երկրների կողմից կիրառված հեռավար ուսուցման ձեւաչափերն առավել զգալի դարձրեցին այսպես կոչված թվային խզումը, որի հետեւանքով սովորողների շուրջ մեկ երրորդը հնարավորություն չունեցավ մասնակցել առցանց կրթությանը։ Այսօր էլ շուրջ 318 միլիոն սովորող զրկված է դպրոց հաճախելու հնարավորությունից, եւս շուրջ 643 մլն սովորողների դեպքում կրթական համակարգերը մասնակիորեն են վերսկսել աշխատանքը։

Համաշխարհային բանկի գնահատմամբ՝ այս սերնդի կորուստը եկամուտների մակարդակում կկազմի շուրջ 10 տրիլիոն ԱՄՆ դոլարին համարժեք գումար, հմտությունների, սոցիալ-հոգեբանական, այլ ուղղություններով երեխաների զարգացմանը հասցված վնասը շատ ավելի խորն է ու բազմաշերտ։ Այս է պատճառը, որ չնայած համավարակի նոր ալիքներին, երկրների մի մասը գերադասում է չփակել ուսումնական հաստատությունները, նույնիսկ եթե այլ գործունեության որոշ տեսակներ սահմանափակումներ են ունենում։

Հայաստանն այն քիչ երկրներից է, որտեղ առկա ուսուցումը հիմնական ծավալով վերականգնված է։ Այս պայմաններում կրթական համակարգի աշխատանքը ձեռք է բերում կենսական նշանակություն»։

Բայդենը շնորհավորել է կանանց Մարտի 8-ի կապակցությամբ

Եվրախորհրդարանի պատգամավորները Բորելից հետաքրքրվել են հայ ռազմագերիներին ազատելու քայլերի մասին

Հայ կինն այսօր էլ չի խոնարհվելու կորստյան ցավի առջև, չի ընկրկելու ու չի հանձնվելու․ Գագիկ Ծառուկյան

Վանդալիզմը թուրքի ձեռագիրն է, ով այսօր Արցախի հուշարձաններն ու սրբատեղիներն է պղծում. Հակոբյան

Տոնը լավագույն առիթներից է արժևորելու կնոջ դերը երկրի ներկան ու ապագան կառուցելու գործում. Սարգսյան

Արարատ Միրզոյանի շնորհավորական ուղերձը Կանանց տոնի առթիվ

Խոշոր հրդեհ Նուբարաշենում. Դեպքի վայր է մեկնել 4 մարտական հաշվարկ

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: