Search

Կորոնավիրուսի ժամանակ նույնպես կյանք կա, և պետք է մեր բնականոն կյանքով ապրենք. Փաշինյան


Վարչապետ Նիկոլ Փաշինյանի համոզմամբ՝ կորոնավիրուսի համաշխարհային տարածման պարագայում մենք պետք է գտնենք ոչ միայն գոյատևելու, այլև այս ընթացքում աշխատելու, զարգանալու, նոր աշխարհ կառուցելու միջոցներ:

«Երեկ ասում էինք, որ կորոնավիրուսից հետո կյանք կա, բայց ես ուզում եմ վերաձևակերպել ու ասել, որ կորոնավիրուսի ժամանակ նույնպես կյանք կա, որովհետև ոչ ոք չգիտի, թե այս իրավիճակը որքան կտևի: Սա չի նշանակում, եթե ասենք 6-7 ամիս տևեց, ուրեմն 7 ամիս ոչ ոք տնից չպետք է դուրս գա: Հետևաբար, մենք պետք է գտնենք ոչ միայն գոյատևելու, այլև այս ընթացքում աշխատելու, զարգանալու, նոր աշխարհ կառուցելու միջոց»,- ասաց Նիկոլ Փաշինյանը:

Նա նկատեց, որ համաճարակը ինչպես անսպասելի գալիս է, նույնպես էլ վերջ պետք է ունենա, բայց մենք պետք է պատրաստ լինենք առերեսվել: Վարչապետի հավաստամամբ՝ Հայաստանն ամենաքիչ խուճապ ապրած երկրներից է, որի համար Նիկոլ Փաշինյանը շնորհակալություն հայտնեց հանրությանը: «Մենք պետք է մեր բնականոն կյանքով ապրենք»,- ընդգծեց նա:

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia