Search

Կներկայացվի Ռիշար Գալիանոյի մասնակցությամբ «Տարվա եղանակներ» համերգի տեսագրությունը


Կամերային երաժշտության ազգային կենտրոնը օգոստոսի 15-ին, ժամը 20։30 կներկայացնի «Տարվա եղանակներ» խորագիրը կրող համերգի տեսագրությունը։ Համերգը կհեռարձակվի կենտրոնի պաշտոնական ֆեյսբուքյան էջով։ Համերգին հանդես են եկել Հայաստանի պետական կամերային նվագախումբը՝ գեղարվեստական ղեկավար և գլխավոր դիրիժոր Վահան Մարտիրոսյանի ղեկավարությամբ, և աշխարհահռչակ վիրտուոզ ակորդեոնահար Ռիշար Գալիանոն։ Համերգի ծրագրում ներառված են Անտոնիո Վիվալդիի «Տարվա եղանակներ», Աստոր Պիացոլայի «Տարվա եղանակներ» և Ռիշար Գալիանոյի «Օպալե» կոնցերտ նվագախմբի և ակորդեոնի համար ստեղծագործությունները:

Կամերային նվագախումբը բազմիցս համագործակցել է աշխարհահռչակ վիրտուոզ ակորդեոնահարի հետ՝ ելույթ ունենալով նրա հետ ոչ միայն Հայաստանում, այլև արտերկրում։ Իսկ «Տարվա եղանակները» համերգային ծրագիրը Գալիանոն ներկայացրել է աշխարհի տարբեր երկրներում: 

Իտալական ծագումով ֆրանսիացի ակոնդեոնահար, Աստոր Պիացոլայի մեկնաբան, կոմպոզիտոր Ռիչարդ Գալիանոն ծնվել է Ֆրանսիայում 1950 թ․: Դաշնամուր և ակորդեոն սկսել է նվագել  4 տարեկանից: Այնուհետև երաժշտական ուսումը շարունակել է Նիցցայի կոնսերվատորիայում, որտեղ ակոնդեոնին զուգահեռ ուսանել է նաև տրոմբոնի դասարանում:

Ուսմանը զուգահեռ մասնակցել է ակորդեոնահարների միջազգային մրցույթների, որտեղ հանդես է եկել Բախի, Չայկովսկու, Ռավելի Գերշվինի ստեղծագործությունների կատարմամբ: Գալիանոն երկու տարի անընդմեջ ակորդեոնահարների World Cup միջազգային մրցույթներում զբաղեցրել է առաջին տեղը, իսկ 1968-ին արժանացել է երկրի նախագահական մրցանակին:

1973-ին Գալիանոն հարավային Ֆրանսիայից տեղափոխվում է Փարիզ և մի քանի տարի համագործակցում է Կլոդ Նուգարոյի նվագախմբի հետ` որպես դիրիժոր, գործիքավորող և կոմպոզիտոր:

Նա համագործակցել է այնպիսի հանրահայտ երգիչների հետ, ինչպիսիք են Շառլ Ազնավուրը, Սերժ Ռեջիանին, Ժյուլիետ Գրեկոն և այլք։ 1983-ին Աստոր Պիացոլայի նախաձեռնությամբ Ռիչարդ Գալիանոն հրավիրվում է Comedy France, որտեղ հանդես է գալիս որպես բանդոներնահար, այնուհետև` գործիքավորող և կոմպոզիտոր:

1991-ին Գալիանոն ստեղծում է «նոր մյուզետ» ոճը և այս ոճով Label Bleu ստուդիայում ձայնագրում է ալբոմ: 1993-ին Ջազի ակադեմիան Ռիչարդ Գալիանոյին ճանաչում է տարվա լավագույն ջազ երաժիշտ: Նույն տարում նա ձայնագրում է «Ճանապարհորդություն» ալբոմը, որը նույնպես ճանաչվում է որպես «Տարվա լավագույն ալբոմ»: 2010-ին Ռիչարդ Գալիանոն ստորագրեց բացառիկ պայմանագիր աշխարհահռչակ Deutsche Grammophon ընկերության հետ և նրա առաջին ալբոմը, որը նվիրված էր Բախի երաժշտությանը, թողարկումից անմիջապես հետո ավելի քան 40.000 օրինակով սպառվեց մեծ արագությամբ և դարձավ տարվա «Տարվա լավագույն դասական երաժշտության» ալբոմը:

ՀՀ ՄԻՊ-ն անդրադարձել է Human Rights Watch-ի զեկույցին

Հանրային խորհուրդը նամակով դիմել է ԵԱՀԿ Մինսկի խմբի համանախագահող երկրներին

Օրվա ընթացքում Արցախ է վերադարձել ևս 1168 մարդ. ՌԴ ՊՆ

Human Rights Watch-ն ահազանգում է Ադրբեջանում հայ գերիների նկատմամբ անմարդկային վերաբերմունքի մասին

ՀՅԴ երիտթևի ներկայացուցիչները «Արժանապատվության երթ» են անցկացրել

ՀԱՊԿ-ն ուժեղացնում է ահաբեկչության դեմ պայքարը

Հերթական առաջադրանքը կատարելիս մարտի է բռնվել թշնամուն դեմ առ դեմ և ընկել հերոսաբար

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: