Լատինական Ամերիկան խելամիտ չի համարում Ուկրաինա զենք ուղարկելը. Մեքսիկայի արտգործնախարար

Մեքսիկայի արտաքին գործերի նախարար Մարսելո Էբրարդը չի կարծում, թե Լատինական Ամերիկայի երկրներն աջակցում են Ուկրաինային զենք փոխանցելուն՝ հակամարտությունը երկարաձգելու համար։Financial Times-ի հարցազրույցում նա նշել է, որ դա «բնավ խելամիտ չի թվում», որովհետեւ գինը շատ բարձր կլինի թե՛ ԵՄ-ի, թե՛ Ռուսաստանի, թե՛ ամբողջ աշխարհի համար։«Ես չեմ կարծում, թե զենք ուղարկելը՝ հակամարտությունը երկարացնելու համար, աջակցվում է Լատինական Ամերիկայում»,- ասել է նա՝ ավելացնելով, որ տարածաշրջանի երկրները հակամարտության «քաղաքական լուծման» կողմնակիցն են։Պարբերականը հիշեցրել է, որ Արգենտինայի, Կոլումբիայի, Մեքսիկայի եւ Բրազիլիայի ղեկավարներն արդեն դեմ են հանդես եկել Կիեւ զենք առաքելուն։