Թուրքիայում երկրաշարժերի զոհերի թիվը գերազանցել է 49 հազարը
- Anews
- Mar 16, 2023
- 1 min read
Թուրքիայի նախագահ Ռեջեփ Էրդողանը հայտնել է, որ Թուրքիայում երկրաշարժերի զոհերի թիվը գերազանցել է 49 հազարը, վիրավորների թիվը՝ ավելի քան 115 հազարը։ «Աննախադեպ աղետներից տուժել է 11 նահանգ։ Ավելի քան 49 հազար քաղաքացի զոհվել է, ավելի քան 115 հազարը՝ վիրավորվել»,-հայտնել է Էրդողանը Անկարայում թյուրքական պետությունների կազմակերպության գագաթաժողովում ունեցած ելույթի ժամանակ: 7,7 եւ 7,6 մագնիտուդով երկրաշարժերը տեղի են ունեցել փետրվարի 6-ին 9 ժամ ընդմիջումով Թուրքիայի հարավ-արեւելքում գտնվող Քահրամանմարաշ նահանգում: Ստորգետնյա ցնցումները զգացվել են երկրի 11 նահանգներում եւ հարեւան պետություններում, այդ թվում՝ Սիրիայում: Թուրքիայի իշխանությունները երկրաշարժերն անվանել են «դարի աղետ»։
Comments