Search

Զարուհի Բաթոյանն ու Անի Ամիրշադյանն ազգակցական որևէ կապ չունեն. Հերքում

 

Այսօր առավոտյան մամուլում տեղեկություն հրապարակվեց, թե սոցապծառայության պետ Անի Ամիրշադյանը Աշխատանքի և սոցիալական հարցերի նախարար Զարուհի Բաթոյանի ազգականն է։ Անգամ նշվել էր, թե նրանց տատերը հարազատ քույրեր են։

Ըստ հրապարակման՝ Ամիրշադյանը հատուկ արտոնություններ է վայելում։ Նա վերջերս եղել է Իտալիայում, որտեղից վերադառնալուց հետո երկու շաբաթ մեկուսացվել է, աշխատանքի չի ներկայացել, այնուհանդերձ՝  ստացել է ոչ միայն աշխատավարձը, այլև պարգևավճար` մոտ 1 մլն դրամի չափով։

Աշխատանքի և սոցիալական հարցերի նախարարությունից «Տեղեկատվության ստուգման կենտրոնին» հայտնեցին, որ տեղեկությունը չի համապատասխանում իրականությանը։

Զարուհի Բաթոյանն ու Անի Ամիրշադյանն ազգակցական որևէ կապ չունեն (նրանց տատերը հարազատ քույրեր չեն), ավելին՝ նախարարն ու Ամիրշադյանը ծանոթացել են վերջինիս աշխատանքի ընդունվելու պահին միայն։

Ինչ վերաբերում է սոցապծառայության պետի՝ Իտալիայից վերադառնալուց հետո պարգևավճար ստանալուն, տեղեկացանք, որ Ամիրշադյանը եղել է արտերկրում, բայց ոչ Իտալիայում։ Ամիրշադյանը ինքնամեկուսացվել է 14 օր՝ մարտի 22-ից, որից մեկ շաբաթը եղել է արձակուրդում։ Ապրիլ-մայիս ամիսներին նա ստացել է միայն իր աշխատավարձը՝ առանց որևէ պարգևավճարի։

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia